Yeshaya 5:12 - MUKANDA WA MYIDI MUKULU

¹² Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Yeshaya 5:12 ပူးပေါင်းရင်းမြစ်များ

Genese 31:27

Bua tshinyi udi munshime, munyeme mu musokoku, katuyi balayangane nebe. Bu wewe mudianze kungambila, mvua nkushindikija ne misambu ya disanka, tuimbe bisanji ne ngoma.

2 Samuele 19:35

Barzilayi kuandamuna ne: — Mukalenga, nkunshadile matuku bungi munyi bua meme kuikala ne muoyi? Matuku anyi mmashale makese matambe. Tshiena mua kuya nebe ku Yerushalayime.

Yobe 34:27

Bualu bantu abu bavua bamubenge, balengulula mikenji yende yonsu.

Misambu 28:5

Kabena bamona bidi Maweja-Nangila wenza. Nanku Maweja-Nangila abanyoke, ababutule!

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Yeshaya 24:8

Muadi wa ngoma, udi upuwa. Mutoyi wa bantu badi basanka mu tshibilu, mmujike. Kabena bimba kabidi nzenze.

Yeshaya 29:1

“Eyi, Ariyele, Ariyele we, tshimenga tshia Yerushalayime, muaba uvua Davide muase mitanda yende, udi muena diakabi! Matuku onsu wewe kuenza amu bibilu, ku tshidimu ku tshidimu,

Yeshaya 5:19

Bantu aba badi bamba ne: “Maweja-Nangila enze lukasa tshionsu tshidiye musue kuenza. Tudi basue kutshimona. Mvidi Mukulu wa tshijila wa bena Izrayele enze tshionsu tshidiye muelele meji, tudi basue kutshimanya!”

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Yezekiyele 26:13

Nenkandike bantu bua kabimbi kabidi misambu muebe. Kabakumvua kabidi muebe lunzenze ludila to.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

1 Korente 14:7

Tufuanyikija ne biombelu bu lushiba nansha lunzenze. Bu meyi a biombelu abi kaayi adila ntendu mishilangane, kabena mua kusunguluja musambu udibu bimba.

Yuda 1:12

Padibu nenu ku mesa bua didia dienu bonsu pamue, badi banufuisha bundu, bualu badi basukumina biakudia. Badi bu balami ba nyama badi badivuluka amu bobu nkayabu. Badi bu mavuba masaka kudi lupepele, adi kaayi alokesha mvula. Badi bu mitshi idi kayiyi ikuama bimuma, nansha tshikondo tshiabi tshimane kufika. Badi bu mitshi mifue misangu ibidi, matamba ayi mamane kuuma, mbajule ne miji yayi kabidi.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.