Yeshaya 5:11 - MUKANDA WA MYIDI MUKULU

¹¹ Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mulau wikale kudi bantu badi bajuka hatshiatshia bua kuya kukeba maluvu makole, kudi bantu badi batabale tô ne munda mua butuku, tô ne halua maluvu kutemesha mitshima yabo!

Yeshaya 5:11 ပူးပေါင်းရင်းမြစ်များ

2 Samuele 19:35

Barzilayi kuandamuna ne: — Mukalenga, nkunshadile matuku bungi munyi bua meme kuikala ne muoyi? Matuku anyi mmashale makese matambe. Tshiena mua kuya nebe ku Yerushalayime.

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Nsumuinu 23:32

Kadi ku nshikidilu ne udiumvue bu muntu musuma kudi nyoka, muela lulengu mu mubidi kudi nyoka wa ntoka.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Yeshaya 24:9

Kabena bimba kabidi misambu, padibu banua maluvu basanka to. Maluvu makole akadi umvuika ne bululu kudi badi baanua.

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 28:3

Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Yeshaya 5:22

Bantu bonsu badi bilobu amu bua kukuatshika maluvu, badi ne bukitu amu bua kusambakaja mala, mbena diakabi!

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Abakuke 2:15

Nudi bena diakabi! Nudi belele bena mutumba, maluvu mela lulengu, bua bakuatshike, bavule bilamba. Ke nuenu kutangila mubidi wabu, kubafuisha bundu.

Abakuke 2:5

Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

1 Korente 6:10

bivi, bena lukuka lua biuma, bakuatshiki ba maluvu, banyangi ba lumu lua bende, ne bantu badi banyenga bantu bintu ku bukole, kabakupeta muaba mu Bukalenga bua Mvidi Mukulu.

Ngalate 5:21

ku lukuka, bunuavi, budiavi, ne ku malu mabi makuabu. Bu mumvua munubele kale, lelu kabidi ndi nnuambila ne: badi benza malu a nanku, kabakupeta muaba mu Bukalenga bua Mvidi Mukulu.

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.