Yeshaya 48:6 - MUKANDA WA MYIDI MUKULU

⁶ Nuenu nuvua bumvue tshimvua mudianze kuamba. Nudi bajadike mpindiewu ne: bionsu bivua amu bikumbane mumvua muambe. Kabiena nanku anyi? Ndi nshima anyi? Kadi bituadije ku lelu, ndi nnumanyisha malu mapiamapia, amvua mulame munda, audi kuyi muelele meji.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wewe wakumpa bualu ebu; mona bualu ebu buonso; ne nuenu, nuenu mene kanuena numanyisha bantu ne, Buakushika, anyi? Ku tshikondo etshi tô ne ku mpala ndi nkulesha malu mahia-mahia, malu masokoka mene, audi kuyi muanze kumanya.

Yeshaya 48:6 ပူးပေါင်းရင်းမြစ်များ

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Misambu 119:13

Mishiku yanyi idi ibala mapangadika onsu audi muambe.

Yeshaya 21:10

Wewe tshisamba tshianyi, tshivuabu bakengeshe, bu mudibu bashipule ntete ya mu budimi, teleja bualu ebu bundi mukuambile, buvuabu bammanyishe kudi Maweja-Nangila, Mvidi Mukulu muena bukole buonsu.

Yeshaya 42:20

Nuenu nudi bamone malu a bungi, kadi kanuena bavuluke bualu nansha bumue to. Matshi enu adi mimpe, kadi kanuena numvua bualu nansha bumue to.

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 43:19

Bualu nengenze bualu bupiabupia. Bualu ebu bukadi bumueneka. Kanuena nubumone anyi? Eyowa, nempande njila mu tshipela. Mu buloba buatuke abu, nempatulemu misulu.

Yeshaya 48:7

Ebu ki mbualu bua kale to. Malu aa neamueneke amu mpindiewu. Kuvua mumvue lumu luawu kumpala kua dituku dia lelu, bua kuambi ne: tukadi bamane kumanya bualu ebu.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Mika 6:9

Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

1 Korente 2:9

Mukanda wa tshijila udi wamba ne: “Bidi muntu nansha umue kayi muanji kumona nansha kumvua, bidi kabiyi bianji kubuela mu meji a muntu, ke bidi Mvidi Mukulu mulongoluele badiye unanga.”

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.