Yeshaya 48:3 - MUKANDA WA MYIDI MUKULU

³ Mvua munumanyishe kale malu avua ne bua kuenzeka. Mvua munulayewu, mvua munumanyishewu. Pashishe musangu umue meme kuakumbaja!

Mukanda wa Nzambi Dihungila Dikulukulu ne Dihungila Dihia-dihia 2003

³ Kale nakuamba malu akadiku diambedi; bulelela, malu â akahatuka mukana muanyi, ne nakadianjila kunuleshau. Hashishe nakaenza lukasa, akamueneka.

Yeshaya 48:3 ပူးပေါင်းရင်းမြစ်များ

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Yeshaya 30:13

Nanku bubi buenu abu nebuikale, bu mudi mutanta mu tshimana tshile. Mutanta udi wenda udiunda. Katupa kipi, tshimana tshidi tshiupuka,

Yeshaya 37:29

Wewe udi umfunyina meme! Mvua mumvue pauvua umpenda ne dikamakama. Nenku nenkutekeshe, nkuele kakanu ku diulu, ne lukanu lua tshiamu mukana. Nenkupingaje kuebe, amu mu njila muuvua mufumine.

Yeshaya 37:7

Mukalenga neapete mukenji. Nanku meme nemmuenzeje mua kupinganaye mu ditunga diende. Nemmushipeshe kuende kudi bantu mu ditunga diende.”

Yeshaya 41:22

Semenayi pabuipi, tuambilayi malu anuvua bakumbaje. Nutumvuije malu akadi mamane kuenzeka, bua tuetu kuelaku meji. Tumanyishayi nansha malu adi kaayi manji kuenzeka. Nanku netumanye bidi mua kuenzeka.

Yeshaya 41:27

Meme ndi wa kumpala, wakadianjila kuambila Siyone bualu. Bualu mvua mutume muntu mu Yerushalayime, bua kutuadila bantu lumu lua disanka lua ne: “Bana benu, bakadi bapingana!”

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 43:9

Matunga onsu adisange pamue. Bantu badikungije. Kadi wa ku mvidie yonsu udi utumanyisha malu adi ne bua kuenzeka nnganyi? Udi mua kutumvuija malu akadi mamane kuenzeka nnganyi? Nanku atuleje bantu badi mua kutujadikila ne: mvidie awu mmukumbaje bivuaye muambe. Atuleje mudiye mubinge. Bajadiki aba bamuteleje, bua batujadikile ne: mvidie awu udi wamba malu malelela.

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yoshua 21:45

Nenku malu onsu awa Maweja-Nangila mulaye bena Izrayele, kukumbana. Kakuvua bualu nansha bumue buvua kabuyi buenzeka.