Yeshaya 47:8 - MUKANDA WA MYIDI MUKULU

⁸ Nenku teleja mpindiewu, wewe mulunda wa masanka, udi musombe talalaa kuyi ne bualu. Wewe udi udiambila munda ne: “Meme tshiena ne undi mfuanangana nende! Tshiakuikala mukaji mukamba to. Tshiakufuisha bana banyi to.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku unvua bualu ebu, wewe udi udikebela masanka, udi mushikame talalâ kuyi ne bualu, udi wamba mu mutshima webe ne, Meme ndiku, kakuena mukuabo nʼanyi hohamue; tshiena mushikame bu mukashi wa mu lufuila, tshiena mmona lufu lua bana banyi.

Yeshaya 47:8 ပူးပေါင်းရင်းမြစ်များ

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

Yeshaya 32:9

Nuenu bakaji badi kabayi basumpakena tshintu, jukayi, nunteleje. Nuenu bana ba bakaji badi benda bu badi kabayi ne lutatu, ntelejayi: ke meme awu ngakula.

Yirmeya 50:11

Eyowa, sankayi anu kusanka, nudiele kalumbandi! Nuenu bavua bakuate ditunga divua dianyi meme, nutupike mudi bana ba ngombe batupika mu bisosa. Nuele mikunda mudi nyama milume ya tubalu yela.

Yeshaya 47:10

Uvua mutekemene lupandu, amu bua bibi biuvua wenza. Uvua wamba ne: “Muntu kena ummona”. Kadi budiambi buebe bua ne: Ndi mumanye, ndi ne lungenyi lutue, ke budi bukutshimbakaja! Ukadi wamba ne: “Meme tshiena ne undi tufuanangana nende!”

Yeshaya 45:6

Bantu ba ku luseke ludi diba dipatukila, ne ba ku luseke ludidi dibuelela, nebamanye ne: Kakuena Mvidi Mukulu mukuabu, amu Meme Maweja-Nangila. Kakuena mukuabu to.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Yirmeya 51:53

Nansha bu Babilone mua kubanda mu diulu, kuya kusokoma muaba mukole, nentume baluishi bua bamupete, bamubutule muaba awu. Ke mundi meme Maweja-Nangila ngamba.

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Balombodi 18:27

Bena Dane kuangata bintu bivua Mika mudienzele. Kuyabu kabidi ne mutuangaji wa Mika uvua umuenzela mudimu. Bena Dane kuya kuluisha bena Layishe. Kushipabu bantu bavua mu tshimenga atshi, kabayi ne bualu, basomba mu ditalala. Bena Dane kuosha tshimenga atshi.

Balombodi 18:7

Bantu batanu abu kutungunuka ne luendu, too ne ku Layishe. Kusanganabumu bantu bonsu basomba ne ditalala, anu bu bena Sidone. Kakuvua muntu nansha umue uvua mubenge mfumu wa buloba abu to. Bena Layishe bavua mutantshi mule ne bena Sidone. Kabavua ku diyi dia muntu mukuabu to.

Yeshaya 14:14

Nembande pa mutu pa mavuba. Nemfuanangane ne Mvidi Mukulu, muena bukole buonsu.”

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yirmeya 49:31

Maweja-Nangila udi wamba ne: Jukayi nuye kuluisha bantu aba, badi kabayi bumvua lutatu, basombe amu talalaa. Bimenga biabu kabiena ne tshiibi nansha bikuvu. Badi basombe amu pa nkayabu, ku mpenga.

Yezekiyele 28:2

— Muntu, umanyishe mukalenga wa bena Tire bindi meme Maweja-Nangila mmuambila ne: “Muoyi webe uvua ulunduka ne ditambisha. Uvua wamba ne:

Yezekiyele 30:9

Dituku dindi mbutula Ejipitu, nentume bantu mu buatu, baya kuambila bena Kushe bivua bienzeka. Nanku, bena Kushe nebakuatshike bowa, nebazakale. Dituku adi dikadi pabuipi.

Danyele 4:4

Babuki ba mbuku, bena majimbu ne bena bilengulengu, bamanyi ba malu a mitotu, bonsu kufika. Meme kubawila tshilota. Muntu nansha umue wa kudibu kavua ne lungenyi lua kutshinjinguluila.

Yezekiyele 16:49

Teleja, bilema bivuabu benze bobu mbiebi: bavua baditambisha, badia buukuta, kabayi ne lutatu. Kadi kabavua bambuluishe bapele ne bena dikenga.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Nahume 3:4

Wewe Ninive uvua bu mukaji muena tshiendenda, ulobesha bantu ne buimpe buebe, kabidi ne majimbu ebe. Uvua mukuate bisamba ne matunga ku bupika, mubitekeshe ku buendenda ne majimbu biebe.

Abakuke 1:7

Badi batshinyisha bantu, babakuatshisha bowa. Badi badienzela mudibu basue, bajadika nkayabu bidi bimpe kuenza.