Yeshaya 47:1 - MUKANDA WA MYIDI MUKULU

¹ Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hueka biebe, ushikame mu dinfuenkenya, wewe, Babulona, muana mukashi utshidi kamama; shikama hanshi ha buloba kuyi ne nkuasa wa bukelenge, wewe muana mukashi wa Bena Kasada! Bua kabena bakubikila kabidi nej Mutekete ne mulengele.

Yeshaya 47:1 ပူးပေါင်းရင်းမြစ်များ

Yobe 2:13

Pashishe, kusombabu pamue ne Yobe matuku muanda mutekete, a munya ne a butuku, kabayi bayukila nende, bualu bavua bamone ne dikenga diende ndipite bunene.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Misambu 18:27

Badi ne muoyi mutoke, udi ubaleja muoyi muimpe, ubenga ba muoyi mubi.

Misambu 89:44

Udi mutshipaje muele wende wa mvita, kuvua mumuambuluishe mu mvita to.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 13:13

Diulu nedizakale, buloba nebunyungakane, dituku didi Maweja-Nangila muena bukole buonsu, uleja tshiji tshiende.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 21:1

Badi bamanyisha malu adi atangila Babilone, “Tshipela tshidi ku musulu.” Muena lukuna udi utumina ku tshipela, ku ditunga didi dikuatshisha bantu bowa, amu mudi mvunde ukosolola tshipela tshia Negebe.

Yeshaya 23:12

Maweja-Nangila uvua muambe ne: “Nuenu bena Sidone, kanuena mua kusanka kabidi to. Tshimenga tshienu tshidi bu nsongakaji, udibu babuelela mu nzubu ku bukole. Nansha nuenu baye, basabuke mayi manene, bafike ku tshidiila tshia Kitime, kanuakupeta dikisha nansha kakese.

Yeshaya 26:5

Bualu yeye uvua mutulule panshi bantu bavua basombe miaba mitumbuke. Uvua mushimbule, tshimenga tshivuabu kabayi mua kukuata. Uvua mubumbule bimana biatshi, mubilandakaje, mubiele panshi.

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yeshaya 52:2

Lupuishi ndukulamate pambidi. Kadi wewe Yerushalayime, ditutula lupuishi elu. Juka kulu, uye kusomba pa nkuasa webe wa bukalenga. Wewe Siyone, uvua muena lukanu, disulula mionji idi mikunjingila mu nshingu.

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 46:11

Wewe Ejipitu muena dikenga, banda too ne ku Ngilaade, ukeba buanga bua kudiondapa. Kadi udi ukeba manga, uditatshisha amu tshianana. Mputa yebe kayena mua kuuma nansha kakese.

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yirmeya 50:1

Maweja-Nangila uvua mumanyishe Yirmeya mukenji udi utangila bena Babilone ne tshimenga tshiabu tshinene tshia Babilone wamba ne:

Yirmeya 50:42

Bena mvita batshi badi basempela ne mafuma ne miele, bantu ba tshikisu, kabayi ne luse. Badi benza mutoyi, mudi mayi ela mavuala. Badi babanda pa nyama ya tubalu, bela mualu wa mvita, benda mu milongu, bua kukuluisha wewe Babilone!

Yirmeya 51:1

Maweja-Nangila udi wamba ne: “Nentume tshipepela tshikole tshidi mua kubutula ditunga dia Babilone, ne bantu bende.

Yirmeya 51:33

Maweja-Nangila wa bukole buonsu Mvidi Mukulu wa Izrayele, udi wamba ne: Ditunga dia Babilone dikadi bu buloba bua tshituilu budibu badiata, bua bamone mua kushipula ntete ya kuenza bukula. Nenku tshikondu tshia kunowa tshikadi pabuipi.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Muadi 2:21

Bana ne bakulumpe mbafue panshi miandanda, ku mielelu ya njila. Nsongakaji ne nsongalume yanyi idi mifue ku muele wa mvita. Wewe kubashipa dituku diuvua mufike munda, kubabutula bonsu, kuyi ubafuila luse.

Muadi 4:5

Bavua badia bimpe, bakadi bafua ne nzala mu misesu. Bavua badia bimpe, buukuta misangu yonsu, bakadi bangula bintu bia ku dyala.

Yezekiyele 26:16

Bakalenga badi balombola bantu badi ku muelelu wa mayi manene, nebatuluke mu nkuasa yabu. Nebavule binkutu biabu, ne bilamba biabu bivuabu balengeje ne buanda. Nebasombe panshi, bazakala amu kuzakala, bakuatshika bowa pa kumona bidi binuenzekela.

Yezekiyele 28:17

Wewe kuditambisha bua lumu luutua nalu. Wewe kuenza bu muntu mupale bua bungi bua bintu biuvua mupete. Ke pandi nkuela panshi bua bakalenga bakuabu bakuseke.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.

Agayi 2:22

Nengumushe bakalenga mu nkuasa yabu. Nenshipe makalenga pa buloba. Nentonkole matempu a nwita, ne badi baendesha. Nyama ya tubalu neyifue. Badi babandapu nebakuluke, bafue ku miele yabu.

Zekâya 2:7

Mutumibue wa Mvidi Mukulu uvua uyukila nanyi, kuya kudi mutumibue mukuabu uwa ulua kudiye.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’