Yeshaya 45:1 - MUKANDA WA MYIDI MUKULU

¹ Maweja-Nangila udi wambila Koreshe, muntu udiye mujidile ne: “Ndi mutue ku tshiebe, bua utekeshe matunga onsu, unyenge bakalenga mamfumu abu, bakunzuluile biibi, ubuele mu bimenga bionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi wamhila muntu wandi udiye muele manyi ha mutu dî, Kolesha mene, unakukuata ku tshianza tshiandi tshia bukole, bua kutulula bisamba bia bantu ku mpala kuandi, ne bua kusulula mikaba ya ku bimono bia bakelenge; bua kunzulula bibi ku mpala kuandi, ne bua bibi kabinshidi kabidi.

Yeshaya 45:1 ပူးပေါင်းရင်းမြစ်များ

1 Bakalenga 19:15

Kadi Maweja-Nangila kumuambila ne: — Pingana anu mu njila ewu, upitshile mu tshipela, uye ku Damase. Paudi ufika ku Damase, ujidile Azayele mu dina dianyi, bua ikale mukalenga wa bena Siriya.

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Yobe 12:21

Bantu bavuabu banemeka, bakadi babapepeja. Bena tshikisu, udi ubanyenga bukole buabu, bashale bianza bitupu.

Misambu 73:23

Kadi wewe uvua amu nanyi diba dionsu, munkuate ku tshianza bua tshiponu.

Yeshaya 13:2

Maweja-Nangila udi wamba ne: “Asayi dibendele pa mukuna, padi kapayi mitshi. Elayi kabobu ka mvita. Bikilayi bena mvita ne tshianza, bua babuelele ku biibi bia bantu badi badifila ku budisuile buabu.

Yeshaya 13:3

Meme ndi ntumina, bantu badi banyi meme, meyi anyi. Ndi mubikidishe bilobu bianyi, bamiadiamvita badi bela mbila ya disanka, bua bakumbaje tshidi tshiji tshianyi tshijadika.”

Yeshaya 41:13

Bualu meme Maweja-Nangila, ndi Mvidi Mukulu webe, ndi nkuambuluisha. Ndi nkuambila tshiakabidi ne: “Lekela kutshina. Nenkuambuluishe.”

Yeshaya 41:2

Meme kubikila muntu luseke ludi diba dipatukila, kumutuma mu njila. Muntu awu kutshimuna baluishi bende, kuonsu kuyayaye. Udi utshimuna matunga onsu adi kumpala kuende, udiatakaja bakalenga. Muele wende wa mvita udi ubatangalaja bu lupuishi. Mikete yende idi ibipata nduu, bu bisosa bidi lupepele lutangalaja.

Yeshaya 41:25

Ndi mujule muntu, ufumina luseke ludi diba dipatukila. Muntu awu udi ufika luseke lua ku mutu kua ditunga. Badi batela dina diende, luseke ludi diba dipatukila. Udi udiatakaja balombodi ba maloba, mudibu badiata bitotshi, mudi mufumbi wa ngesu, udiata diima, udibeta.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Yeshaya 44:28

Ndi ngambila Koreshe ne: ‘Wewe ke mulami wa mikoku undi musungule. Wewe neukumbaje malu onsu, andi meme musue. Neutume diyi, bua bibakulule Yerushalayime, basulule nzubu wa Mvidi Mukulu.’ ”

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yeshaya 48:15

Kadi meme nkavua mubuambe. Meme nkayanyi, mvua mubikile muntu ewu. Meme kumufikisha kunu. Nanku tshionsu tshidiye mutuadije, neatshikumbaje.

Yirmeya 27:6

Nanku ndi mujadike bua kufila matunga enu onsu, too ne nyama ya muitu, kudi muntu wanyi Nebukadnesare, mukalenga wa bena Babilone.

Yirmeya 43:10

Pashishe ubambile ne: “Maweja-Nangila wa bukole buonsu, Mvidi Mukulu wa Izrayele, udi wamba ne: Nentume bantu bua kunkebelabu muntu wanyi Nebukadnesare, mukalenga wa mu Babilone. Nenjadike nkuasa wende pa mutu pa mabue adibu bajike muaba ewu. Nease nzubu wende wa bukalenga anu muaba ewu.

Yirmeya 50:3

Tshisamba tshidi tshiluisha Babilone, netshifumine ku mutu wa ditunga. Netshinyange ditunga, dishale tshipela tshidi tshikuatshisha bantu bowa. Muntu nansha umue kakusombamu. Bantu ne nyama bionsu nebinyeme.

Yirmeya 50:35

Maweja-Nangila udi wamba ne: Bashipe bena Babilone, bashipe bantu ba mu tshimenga tshinene, bashipe balombodi ba mu bukalenga ne bena meji.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:30

Bilobu bia mvita bia mu Babilone bikadi bilekela kuluangana mvita. Bikadi bisokoma mu nzubu yabi. Kabitshiena ne bukitu, bikadi bu bakaji. Baluishi mbamane kuupula biibi bia tshimenga, mbamane kuela kapia ku nzubu yatshi.

Yirmeya 51:58

Udi wamba kabidi ne: “Bimana bialabale bia mu tshimenga tshia Babilone nebabitonkole panshi. Biibi biende bile nebabioshe! Bantu badi bakuata mudimu patupu, bualu bidi bisamba bienza nebibutuke mu kapia!”

Yezekiyele 29:20

Ndi mmupesha ditunga dia Ejipitu, bua kumufuta bua midimu idiye mungenzele. Bualu bena mvita bende mbankuatshile mudimu. Meme Maweja-Nangila Mvidi Mukulu, ndi njadika bualu abu.

Danyele 5:6

mpala wende kutokoloka, meji kulubakana, bowa kumukuata, luzakalu kumupangisha luendu.

Danyele 7:5

Nyama muibidi uvua mufuanangane ne nyama wa urse, uvua mulale mu kaseka, musume mbadi isatu ku menu. Kumutuminabu diyi bua ajuke bimpe, adie munyinyi wa bungi.

Danyele 8:3

Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Danyele 8:4

Meme kumona tshimpanga tshikuma nsengu ku luseke ludi diba dibuelela, ku luseke ludi ku mutu ne lua kuinshi kua ditunga. Kakutua nyama mukuabu utua mua kutshituila nkanana. Kakuvua muntu utua mua kudipandisha ku bumfumu buatshi. Tshimpanga atshi tshitua tshienza muatshi mutuatshi tshisue. Bukole buatshi buvua buenda budiunda.

Nahume 2:6

Mukalenga wa Ninive, udi ubikila balombodi bende ba bena mvita. Kadi badi benda batetuka. Baluishi badi basemena ku tshimana tshia tshimenga, bakuate ngabu wabu bua kudisungidila.

Nahume 3:13

Bena mvita bebe badi amu bu bakaji. Biibi bikole bia bimenga bia mu ditunga diebe, bidi bidiunzulukila, baluishi babuela. Kapia kadi kosha mabaya adibu bapayike ku biibi.