Yeshaya 41:8 - MUKANDA WA MYIDI MUKULU

⁸ Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Yeshaya 41:8 ပူးပေါင်းရင်းမြစ်များ

2 Kulondolola 20:7

Wewe Mvidi Mukulu wetu ke uvua muipate bena ditunga edi pafiki bantu bebe bena Izrayele. Buloba ebu, kuena mubupeshe ndelanganyi ya mulunda webe Abrahame kashidi anyi?

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

Misambu 136:21

Kufilaye buloba buabu ku bumpianyi, bualu dinanga diende ndia kashidi,

Misambu 136:22

uvua mufile bumpianyi kudi Izrayele muena mudimu wende, bualu dinanga diende ndia kashidi.

Misambu 33:12

Bantu badi Maweja-Nangila muikale Mvidi Mukulu wabu, bantu badiye mudisunguile mbena diakalenga!

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 29:22

Ke padi Maweja-Nangila, Mvidi Mukulu wa Yakobe ne wa ndelanganyi yende, Musungidi wa Abrahame, wamba ne: “Bituadije ku mpindiewu, bena Yakobe, kabena bafue kabidi bundu, kabakubungama kabidi to.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 42:19

Nganyi udi mpofu? Amu nuenu bantu banyi! Nganyi udi ne mapapa? Amu nuenu bandi ntuma! — Eyowa, udi mpofu, bu muntu udi Mvidi Mukulu utuma, nnganyi? Udi ne mapapa, bu muntu wa Maweja-Nangila, nnganyi?

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yeshaya 43:10

Maweja-Nangila udi wamba ne: Bajadiki ba malu anyi, ke nuenu bantu banyi. Nudi bena mudimu banyi, bandi musungule. Dijinga dianyi didi ne: numanye, nuitabe, nujingulule ne: Meme ndi nganyi. Kumpala kuanyi, kakuvua mvidie, panyima panyi, kakuakuikala mvidie mukuabu.

Yeshaya 43:5

Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Yeshaya 44:21

“Wewe Izrayele, tshisamba tshia Yakobe, vuluka bimpe ne: Udi muntu wanyi. Ndi mukufuke, bua unkuatshile mudimu. Izrayele, tshiena nkupua muoyi to.

Yeshaya 45:4

Bu mundi munange bantu banyi bena Izrayele, bena mudimu banyi bandi musungule, ndi nkuangata bu muena mudimu wanyi. Nenku meme ndi nkupesha lumu, nansha wewe kuyi mummanye.

Yeshaya 48:12

Maweja-Nangila udi wamba ne: Tshisamba tshia Yakobe, teleja, wewe Izrayele undi mubikile, teya matshi. Ndi wa momumue matuku onsu, ndi wa kumpala, ne kabidi wa ndekelu.

Yeshaya 49:3

Kungambilaye ne: “Wewe Izrayele udi muena mudimu wanyi, undi muangate, bua kuleja lumu luanyi.”

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yirmeya 33:24

— Kuena mumvue mudi bantu bamba anyi? Badi bamba ne: ndi mubenge bena Izrayele ne bena Yuda, meku abidi andi musungule! Badi bamba nenku badi bapepeja bantu banyi. Kabena nansha babatangila bu tshisamba to.

Lewitiki 25:42

Nenku kabena mua kupana bena Izrayele, bu mudibu bapana bapika to. Bualu mbantu banyi, bamvua mupatule mu ditunga dia Ejipitu.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

Dielulula 14:2

Nudi tshisamba tshia tshijila tshia Maweja-Nangila Mvidi Mukulu wenu. Nuenu ke badiye musungule munkatshi mua bisamba bikuabu bidi pa buloba, bua nuikale tshisamba tshiende menemene.

Yakobe 2:23

Ke miaku ya mu Mukanda wa tshijila kukumbanayi ne: “Abrahame uvua mutekemene kudi Mvidi Mukulu. Ke muvua Mvidi Mukulu mumubingishe bua ditaba diende.” Ke Mvidi Mukulu kumuinyika ne: “Mulunda wanyi.”