Yeshaya 41:5 - MUKANDA WA MYIDI MUKULU

⁵ Bantu badi base kule, badi bamona bimvua muenze, bakuatshika bowa. Bantu ba ku nshikidilu kua buloba, badi basemena pabuipi, bazakala.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Maloba a ku muelelu wa mai manene akumona, akutshina; mikalu ya buloba idi izakala; idi isemena ha buihi, idi ilua.

Yeshaya 41:5 ပူးပေါင်းရင်းမြစ်များ

Genese 10:5

Bisamba bionsu bidi bitangalaka mu bidila nansha ku mielelu ya mayi manene mbifume ku ndelanganyi ya bana aba. Ke muvua ndelanganyi ya Yefete nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Misambu 65:8

Udi utuyisha tshiona tshia mavuala a mayi manene, utalaja mutoyi wa bantu.

Misambu 65:9

Pa buloba bujima bantu badi bakatshila, malu a dikema audi wenza. Kudi diba dipatukila, ne kudidi dibuelela, bonsu badi bela mbila ya disanka.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Misambu 67:7

Buloba mbumeneshe biakudia bivule, nenku Mvidi Mukulu, Mvidi Mukulu wetu mmutuele lupemba!

Ekesode 15:14

Bantu kumvua lumu alu, kuzakala! Bena Peleshete kukuatshika bowa.

Yeshaya 41:1

Maweja-Nangila udi wamba ne: Nuenu bantu badi base kule, puwayi, nunteleje. Nuenu bisamba bia bantu, koleshayi muoyi. Semenayi pabuipi! Nenushishe kuakula. Eyowa, tusemenayi, nuenu ne meme, bua kubanga tshilumbu.

Yeshaya 41:6

Badi bambuluishangana, bakoleshangane ku muoyi, bamba ne: “Tuyayi!”

Yezekiyele 26:18

Mpindiewu bantu bonsu aba badi bazakala, padibu bamona tshimenga etshi tshidibu babutule. Bantu badi basomba mu bidila, nansha ku muelelu wa mayi manene, badi bazakala bua padi tshimenga etshi tshijimine.

Yoshua 2:10

Tuvua bapete lumu ne: diba dinuvua numuka mu ditunga dia Ejipitu, Maweja-Nangila uvuamumishe Mayi manene makunze bua nuenu kusabuka. Kabidi tuvua bumvue ne: nuvua bashipe Sihone ne Oge, bakalenga ba matunga abidi a bena Amore, banyangakaje kabidi bintu biabu. Bakalenga abu, bavuabase luseke ludi diba dipatukila lua Yardene.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.