Yeshaya 41:29 - MUKANDA WA MYIDI MUKULU

²⁹ Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Monai, buonso buabo badi ba hatuhu; midimu yabo idi ya tshianana, ne mpingu yakutulabo idi luhehele ne bintu bibuelakane.

Yeshaya 41:29 ပူးပေါင်းရင်းမြစ်များ

Misambu 96:5

Mvidie ya bisamba bikuabu bionsu idi patupu, Maweja-Nangila ngudi mufuke diulu.

Yeshaya 17:8

Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Yeshaya 41:24

Kadi nudi tuntu tua patupu. Binudi nuenza bidi bia tshianana. Badi banusungula bu mvidie yabu, ndi mbadiwula kashidi.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 5:13

Bidi bambi benda bamba bidi bipite amu bu lupepele. Kabena bamba malu mu dina dia Maweja-Nangila to. Malu adibu bamanyisha abakuate amu bobu!”

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Balombodi 18:17

Bantu batanu bavua bamane kutentekela ditunga abu bamane kubuela mu nzubu, kuambulabu mpingu yonsu ivuamu, kabidi ne bintu bia kubuka nabi, ne lupingu lua tshiamu tshienguluke. Mutuangaji uvua muimane mu mushiku wa mbelu pamue ne bena mvita nkama isambombu.

1 Samuele 12:21

Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.