Yeshaya 41:23 - MUKANDA WA MYIDI MUKULU

²³ Eyowa, tuambilayi malu avuavua kuenzeka bidimu bidi kumpala. Nanku netumanye bushiwa, munudi nuudie milelela. Enzayiku, nansha malu mimpe nansha mabi, bua tuetu kujadika munudi mvidie, tushale kunutshina.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nutuambile malu adi alua mu bidimu bitshidi ku mpala, bua tuetu tumanye ne nudi nzambi; bulelela, nuenze bualu budi buimpe anyi bualu budi bubi, bua tuetu tujoshangane, tutue bikemu ne tubumone nʼenu diatshimue.

Yeshaya 41:23 ပူးပေါင်းရင်းမြစ်များ

Yeshaya 19:12

Mukalenga wa bena Ejipitu, bena meji bebe bepi? Bakulongeshe, bakumanyishe tshidi Maweja-Nangila muena bukole buonsu mujadike bua kuenzela ditunga dia Ejipitu!

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 43:9

Matunga onsu adisange pamue. Bantu badikungije. Kadi wa ku mvidie yonsu udi utumanyisha malu adi ne bua kuenzeka nnganyi? Udi mua kutumvuija malu akadi mamane kuenzeka nnganyi? Nanku atuleje bantu badi mua kutujadikila ne: mvidie awu mmukumbaje bivuaye muambe. Atuleje mudiye mubinge. Bajadiki aba bamuteleje, bua batujadikile ne: mvidie awu udi wamba malu malelela.

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yeshaya 45:3

Ndi nkupesha lupetu, ne biuma bivuabu basokoke. Nenku neumanye mundi Maweja-Nangila. Meme Mvidi Mukulu wa bena Izrayele, ndi nkuangata bu muena mudimu wanyi.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Yirmeya 10:5

Mpingu eyi kayena yakula. Idi anu bu mudi mitshi idibu basa mu madimi, bayivuadika bilamba bia bantu bua kutshinyisha nyunyi. Muntu ke udi uyambula, bualu kayena mua kuenda nkayayi. Kanuyitshinyi to, bualu kayena mua kuenza bualu bubi, bu mudiyi kayiyi mua kuenza bualu buimpe.”

Danyele 2:9

Panudi kanuyi nungawila tshindi mulote, tshibawu netshikale tshia mumue bua bantu bonsu. Bualu nudi bumvuangane bua kungambila miaku ya dishima ne ya tshianana, too ne pandi ngandamuna bimvua mupangadike. Kadi ndi musue nungawile tshilota. Nenku nemmanye ne: nudi mua kutshinjinguluila.

Yowanane 13:19

Ndi udianjila kunuambila bualu ebu mpindiewu kabuyi buanji kuenzeka, bua penzekabu nuitabe ne: “Meme ndi mundi.”

Bienzedi 15:18

bimvua mumane kumanyisha kale.”