Yeshaya 41:18 - MUKANDA WA MYIDI MUKULU

¹⁸ Nempatule misulu ya mayi, pa mikuna idi kayiyi ne mitshi. Nempatule mishimi ya mayi muinshi mu bibandabanda. Tshipela netshiandamuke dijiba dia mayi. Buloba buume nebuandamuke muaba udi mayi mavule.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nempatule misulu ya mai mu mikuna idi kayiyi ne mai, ne mishimi ya mai munkatshi mua bibanda; nenvuishe tshihela bu kashiba ka mai, ne buloba bûme bu mishimi ya mai.

Yeshaya 41:18 ပူးပေါင်းရင်းမြစ်များ

Misambu 104:10

Udi utuma mayi a mpokolu mu misulu, apitshila muinshi mua mikuna.

Misambu 105:41

Kunzululaye dibue, mayi kupatuka, kupuekawu mu tshipela bu musulu.

Misambu 107:35

Udi ukudimuna kabidi tshipela tshienza dijiba dia mayi, ne buloba bume buenza muaba udi mayi.

Misambu 126:4

Maweja-Nangila, tupingajila disanka tshiakabidi, bu muudi ufululula misulu miume.

Misambu 46:4

nansha mavuala akungula, asaba, adiela mulu, anyungisha mikuna.

Yeshaya 12:3

Nenusune mayi a disanka, ku mpokolu ya lupandu.

Yeshaya 30:25

Dituku didibu bakuata tuleya tua baluishi benu, bashipa bena lukuna benu, misulu ya mayi neipueke pa mikuna yonsu minene ne mikese.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yeshaya 33:21

Momu amu ke mudi Maweja-Nangila, utulejila butumbi buende. Nemuikale misulu mikese, ne mialabale. Momu amu matu a mvita kaena endelamu. Matu manene kaena apitshilamu.

Yeshaya 35:1

Tshipela ne buloba bume nebileje disanka diabi. Ditunga divua ne minanga nedisangale, nedimeneshe bilongu

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 48:21

Udi mufile bena diende mu tshipela. Nyota kayena ibasuma. Bua kubanuisha, udi upatula mayi mu lubuebue. Udi upanda lubuebue, mayi kupatuka.

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yeshaya 65:13

Telejayi, tshindi meme Maweja-Nangila Mvidi Mukulu ngamba: nuenu nenuikale ne nzala, kadi bantu banyi nebadie. Nuenu nenufue nyota, kadi bantu banyi nebanue. Nuenu nenufue bundu, kadi bantu banyi nebasanke.

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

Balombodi 15:19

Maweja-Nangila kuenza tshina mu lubuebue londoke luvua ku Leki, mayi kupatuka. Shimeshone kunua mayi awu, kupeta bukole kabidi. Bivua binyika mpokolu awu ne: “Mpokolu wa Kora.” Mmumue ne: mpokolu wa udi ubikila. Mpokolu awu utshidiku too ne ku mpindiewu.