Yeshaya 41:16 - MUKANDA WA MYIDI MUKULU

¹⁶ Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 41:16 ပူးပေါင်းရင်းမြစ်များ

Misambu 1:4

Kadi bantu babi ki mbena diakalenga! Badi bu bisota bidi lupepele lutangalaja.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 17:13

Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 28:5

Dituku dikuabu, Maweja-Nangila muena bukole buonsu neikale tshikata tshia lumu, tshifulu tshilengeja ne bilongu bimpe, tshisankisha bantu badi bashala ne muoyi.

Yeshaya 29:19

Maweja-Nangila neavudijile bantu bapuekele disanka. Bantu badiombola ba mu buloba, nebasanke, bualu bua Maweja-Nangila wa tshijila, Mvidi Mukulu wa Izrayele.

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 40:24

Badi bu mitshi mitekete. Bavua bamiamina ntete, itshidi yelelaku miji mu buloba. Kadi padi Mvidi Mukulu uyela mupuya, idi yuma, mupuya wende udi uyishimbula, bu mudi lupepele lukole lutula tususu tua tshimuma tshibishi.

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Yeshaya 65:18

Sankayi amu kusanka. Kanulekedi to. Nuele amu mbila ya disanka, bua bionsu bindi mfuka. Yerushalayime undi mfuka neikale amu ne disanka. Bantu badi basombamu nebuwule ne musangelu tente.

Yirmeya 15:7

Mu tshimenga tshionsu tshia ditunga, mvua muenze ne bantu banyi bu muntu udi upepula bintu, bua lupepele luya ne bisota. Mvua mutangalaje bantu banyi. Mvua mushipe bana badibu balela. Kadi kabavua bapingane kundi.

Yirmeya 51:2

Nentumine bena Babilone bantu benyi bua babipate mu ditunga diabu, mudi lupepela lupepula bisota. Dituku dindi ne bua kunyoka bena Babilone, baluishi babu nebafume nseke yonsu. Nebanyange ditunga kabayi bashiya kantu nansha kamue.”

Yirmeya 51:20

Maweja-Nangila udi wamba ne: Wewe Babilone, uvua bu ngindu wanyi, uvua bu tshiamu tshianyi tshia mvita, bua meme kushipa natshi bisamba, kubutula natshi makalenga.

Yirmeya 51:33

Maweja-Nangila wa bukole buonsu Mvidi Mukulu wa Izrayele, udi wamba ne: Ditunga dia Babilone dikadi bu buloba bua tshituilu budibu badiata, bua bamone mua kushipula ntete ya kuenza bukula. Nenku tshikondu tshia kunowa tshikadi pabuipi.

Danyele 2:35

Nenku diakamue tshiamu tshifiike, dima, tshiamu tshikunze, tshiamu tshitoke tshia mushinga mukole, ne tshiamu tshia mpawungi, kusunsukabi, kuenza lupuishi ludi lupepele lupepula, mudi bisote bipepuka mu tshikondu tshidibu bapepula ntete. Lupepele kupepula bionsu, kaluyi lushiya kantu ka lupingu nansha kamue. Kadi dibue divua didikume ku lupingu adi kuenzadi mukuna munene, uvua muwuje buloba bujima.

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Yowele 2:23

Nuenu badi basomba mu Siyone, sankayi bualu bua Maweja-Nangila Mvidi Mukulu wenu, udi unulokeshila mvula mbedi unuvua nukengela, unulokeshila mvula ya bungi pa bikondu biayi, muvuaye munuenzele kale.

Mika 5:8

“Eyowa, luisha baluishi bebe, ubashipe, ubasunsule!

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.