Yeshaya 41:14 - MUKANDA WA MYIDI MUKULU

¹⁴ Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 41:14 ပူးပေါင်းရင်းမြစ်များ

Yobe 19:25

Kadi ndi mumanye bimpe ne ndi ne muntu udi ungakuila, pa buloba ebu, yeye neambe muaku wa ndekelu.

Yobe 25:6

kadi muntu udi amu kishi, udi anu musanda! Nanku udi mua kuikala ne mushinga ku mesu a Mvidi Mukulu anyi?

Misambu 19:14

Ungepule ku ditambisha, bua kadivu kumpita bukole. Nanku nengikale tshiyi kalema, tshiyi muena tshibawu.

Misambu 22:6

Bavua bakubikila, wewe kubapikula. Bavua bakutekemena, kabayi bashala ku bundu!

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 78:35

Kuvulukabu ne Mvidi Mukulu uvua lubuebue luabu, Mvidi Mukulu Muena kulu uvua musungudi wabu.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 43:14

Maweja-Nangila, Wa tshijila wa bena Izrayele, udi muvue kunusungidila, udi wamba ne: “Bu mundi mununange, ndi ntuma muntu ku Babilone, bua anunzuluile biibi bionsu. Nenku kuaka ku Babilone, mbila ya disanka neyandamuke miadi ne miyenga.

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yeshaya 47:4

Ndi Musungidi wa bantu banyi. Dina dianyi mMaweja-Nangila muena bukole buonsu, wa tshijila wa bena Izrayele.

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yeshaya 49:26

Nengenzele ku bukole bua badi bakukengesha, bashipangane nkayabu. Nebanue, bakuatshike mashi abu, mudibu bakuatshika maluvu a mvinyo mupiamupia. Nenku bantu bonsu nebamanye ne: Ke meme Maweja-Nangila, mupandishi webe. Ndi mudiangatshile tshilumbu tshiebe ne manza abidi. Meme Mvidi Mukulu tshilobu tshia Yakobe.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yeshaya 54:8

Tshivua musue kukumona kabidi to. Bualu mvua ne tshiji tshikole. Kadi bivua bua katupa kipi. Kadi mpindiewu nenkuleje kashidi, mundi nkunanga bikole. Meme Maweja-Nangila, ndi nkujadikila bualu ebu. Meme nenkusungidile.

Yeshaya 59:20

Maweja-Nangila nealue bua kupikula Yerushalayime, ne bena Izrayele bonsu badi bakudimuna nsombelu yabu. Ke yeye mene udi ujadika bualu ebu.

Yeshaya 60:16

Bena matunga ne bakalenga babu, nebakukuatshile mudimu, mudi mamu wamusha muanende. Nenku neumanye ne: meme Maweja-Nangila ndi mukupandishi webe. Meme Mvidi Mukulu wa Yakobe, ndi mudiangatshile bualu buebe ne manza abidi.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yirmeya 46:27

Wewe Izrayele, muena mudimu wanyi, kutshinyi nansha. Kutekeshi mu maboku to. Nuenu ndelanganyi ya Yakobe, ndi mvua kunusungidila mu matunga a kule. Ndi mvua kupikula bana benu mu ditunga didibu baya nabu mu bupika. wewe Izrayele neupete kabidi ditalala ne bupole. Muntu nansha umue kakukuenzela kabidi bibi to.

Yirmeya 50:34

Kadi udi mua kupikula bena Izrayele ne bena Yuda udi ne bukole! Ke meme Maweja-Nangila wa bukole buonsu! Ndi ngangata tshilumbu tshiabu ne manza abidi! Nembueje bupole pa buloba. Nenzakeje bena Babilone.

Muadi 3:57

Pamvua mukubikile uvua musemene pabuipi nanyi. Wewe kungambila ne: “Kutshinyi nansha.”

Danyele 10:12

Kuambaye kabidi ne: ‘Daniyele, kutshinyi nansha! Kubangila ku dituku diuvua mudipuekeshe ku mesu a Mvidi Mukulu, muikale ne muoyi wa kujingulula malu avua enzeka aa, Mvidi Mukulu mmumvue ditendelela diebe. Ke pandi mufike bua kukutuadila diandamuna.

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Matayi 7:14

Kadi mushiku wa mbelu mubumbakane, ne njila mufimpakane, ke bidi bifikisha bantu ku muoyi. Amu bantu bakese ke badi bendela mu njila amu.

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Rome 9:27

Yeshaya kabidi bualu bua bena Izrayele mmuambe ne: “Nansha bena Izrayele bungi bu lusenga lua ku muelelu wa mayi manene, kadi anu kasumbu ka bantu ba munkatshi muabu nekapande.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Dielulula 7:7

Maweja-Nangila mmununange, munusungule, ki mbua ne: nudi nupita bisamba bionsu ku bungi to. Nudi bakese, bashadile kudi bisamba bikuabu.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Yoshua 17:18

Nuangate mikuna yonsu idi ne metu. Nusole, nudime metu awu, nuase miaba yonsu ayi. Nanku nenupete mushindu wa mua kuipata bena Kenaane, nansha bobu bikale ne matempu a mvita a biamu, bikale kabidi ne bukole.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.