Yeshaya 41:1 - MUKANDA WA MYIDI MUKULU

¹ Maweja-Nangila udi wamba ne: Nuenu bantu badi base kule, puwayi, nunteleje. Nuenu bisamba bia bantu, koleshayi muoyi. Semenayi pabuipi! Nenushishe kuakula. Eyowa, tusemenayi, nuenu ne meme, bua kubanga tshilumbu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu, maloba a ku muelelu wa mai manene, huwai bua kuteleja; bantu badimu basangashe bukole buabo; balue ha buihi nʼanyi, hashishe bambe dî diabo; tulue bietu hohamue bua kulumbuluishangana.

Yeshaya 41:1 ပူးပေါင်းရင်းမြစ်များ

Yobe 38:3

Kadi bidi amu bimpe, juka, uleje muudi kalume ka mukaba, nenkuele lukonku bua ungandamune.

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 34:1

Nuenu bukua bisamba, semenayi pabuipi, numvue. Ntelejayi, nuenu bantu bonsu. Buloba buteleje, buteleje ne bintu bionsu bidipu! Buloba buonsu bujadike bualu ebu, bobu ne bintu bionsu bidi bimenapu.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 41:5

Bantu badi base kule, badi bamona bimvua muenze, bakuatshika bowa. Bantu ba ku nshikidilu kua buloba, badi basemena pabuipi, bazakala.

Yeshaya 43:26

Tuye nebe ku kabadi bonsu babidi. Umfunde bua tshilema tshindi muenze. Umvuije tshilumbu tshijima, uleje muudi mubinge.

Yeshaya 43:9

Matunga onsu adisange pamue. Bantu badikungije. Kadi wa ku mvidie yonsu udi utumanyisha malu adi ne bua kuenzeka nnganyi? Udi mua kutumvuija malu akadi mamane kuenzeka nnganyi? Nanku atuleje bantu badi mua kutujadikila ne: mvidie awu mmukumbaje bivuaye muambe. Atuleje mudiye mubinge. Bajadiki aba bamuteleje, bua batujadikile ne: mvidie awu udi wamba malu malelela.

Yeshaya 48:16

Semenayi pabuipi nanyi, bua nuteleje bualu ebu: mvua ngamba malu onsu patoke, bituadijile ku tshibangidilu. Kabidi katshia malu aa abanga, udi wakumbaja ke meme. (Kadi mpindiewu, Maweja-Nangila Mvidi Mukulu ke udi untuma, umpesha Mueyelu wende).

Yeshaya 49:1

Nuenu bantu badi basomba kule, ntelejayi meme. Bisamba bia mu matunga a kule, teyayi matshi enu kundi. Maweja-Nangila uvua mumbikile meme, mamu kayi muanji kundela. Meme mutshikale munda mua mamu, ukavua munsungule bu muena mudimu wende.

Yeshaya 50:8

Bualu Maweja-Nangila udi nanyi. Yeye ke udi mumbingishe. Muntu udi ukimina kumbanda tshilumbu nnganyi? Afike, tuye nende kudi ndumbulula! Amfunde, adileje patoke, meme mumumone!

Abakuke 2:20

Kadi Maweja-Nangila udi mu nzubu wende wa tshijila. Pa buloba bujima, bantu bapuwe kumpala kuende.

Zekâya 2:13

Eyo, nenduishe bisamba ebi: nebabipawule kudi bantu bavuabi bikuate ku bupika.” Padi malu aa enzeka, nenumanye ne: Maweja-Nangila wa bukole buonsu ke uvua muntume.