Yeshaya 40:7 - MUKANDA WA MYIDI MUKULU

⁷ Padi Maweja-Nangila wela mupuya, tshisosa tshidi tshiuma, tshilongu tshifubidila. — Bushuwa, bantu badi ne butekete bu bua bisosa.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mashinde adi afubidila, tshilongo tshidi tshitutuka, bualu bua Yehowa udi wela muhuya wandi hamʼbidi habi; bulelela, bantu badi bu mashinde.

Yeshaya 40:7 ပူးပေါင်းရင်းမြစ်များ

Yobe 14:2

Muntu udi bu tshilongu tshidi tshibaluluka, tshifubidila musangu umue. Udi upita, ujimina diakamue bu mundidimbi.

Yobe 4:9

Badi benza nanku, badi bakeba tshiji tshia Mvidi Mukulu. Tshidi tshibashipa, tshiya nabu bu mudi lupepele lua mvunde luenza.

Yobe 41:21

Nyindu udi anu bu lusongu lua kasosa, padibu bamuela musongolu, udi anu useka.

Misambu 102:4

Bualu matuku anyi a panu adi ajimina, bu mudi muinshi wa kapia, mifuba yanyi idi ipia bu nkunyi.

Misambu 103:15

Matuku a muntu a panuapa adi bu tshisosa tshia mu budimi, tshidi tshiela nzeba,

Misambu 103:16

kadi padi lupepela lua luya lutshipitshila, tshidi tshifua tshijima, katshiyi tshimanyika muaba uvuatshi.

Misambu 90:5

Udi ushipa muoyi wa muntu, upita bu tshilota tshia mu dinda, bu tshisosa tshidi tshitoloka,

Misambu 90:6

mu dinda tshiela nzeba, tshidiunda, dilolu tshifuba, tshiume.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 37:27

Bena bimenga abi kabavua ne bukole. Bavua batshina bikole, bumvua ne bundu. Bavua bafuanangane ne bikunyibua bia mu madimi, nansha ne bisosa bia mu mpata, nansha ne mitshi idi itoloka ku misaka ya nzubu, idi lupepela lua kudi diba dipatukila luosha.

Yeshaya 40:24

Badi bu mitshi mitekete. Bavua bamiamina ntete, itshidi yelelaku miji mu buloba. Kadi padi Mvidi Mukulu uyela mupuya, idi yuma, mupuya wende udi uyishimbula, bu mudi lupepele lukole lutula tususu tua tshimuma tshibishi.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Yakobe 1:10

Muanetu muena biuma asanke, bualu Mvidi Mukulu udi umupuekesha panshi. Bualu muena biuma neafube lukasa, bu tshilongu tshia mu mpata.

Yakobe 1:11

Diba didi dibanda ne luya luadi, diumisha bisosa. Tshilongu tshidi tshipona panshi, bulenga buatshi budi bujika. Ke mudi muena biuma ujimina munkatshi mua midimu yende.