Yeshaya 40:1 - MUKANDA WA MYIDI MUKULU

¹ Mvidi Mukulu udi wamba ne: Sambayi bantu banyi! Kanujingakanyi to!

Mukanda wa Nzambi Dihungila Dikulukulu ne Dihungila Dihia-dihia 2003

¹ Sambai bienu, sambai bienu bantu banyi, Nzambi webe udi wamba nunku.

Yeshaya 40:1 ပူးပေါင်းရင်းမြစ်များ

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Misambu 85:3

Udi mukupule tshilema tshia bantu bebe, mubabuikidile malu mabi abu.

Misambu 85:8

Maweja-Nangila, utuleje buimpe buebe, utuambuluishe.

Muambi 3:4

Kudi tshikondu tshia kudila muadi, ne tshikondu tshia kuseka, tshikondu tshia kutua mikemu, ne tshikondu tshia kuja maja.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yeshaya 41:27

Meme ndi wa kumpala, wakadianjila kuambila Siyone bualu. Bualu mvua mutume muntu mu Yerushalayime, bua kutuadila bantu lumu lua disanka lua ne: “Bana benu, bakadi bapingana!”

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

Yeshaya 52:9

Nuenu makolu a mu Yerushalayime, elayi mbila ya disanka, bualu Maweja-Nangila udi wambuluisha bantu bende, usamba bena Izrayele.

Yeshaya 60:1

Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yezekiyele 16:42

Ke mundi mua kutalaja tshiji tshianyi, tshiyi nkumvuila kabidi mukawu. Nensombe talala. Tshiakufika munda kabidi to.

Zekâya 1:13

Ke Maweja-Nangila kuandamuna mutumibue wende miaku mimpe ya kumukolesha ku muoyi, ne kumusamba nayi.

Zekâya 1:17

Pashishe mutumibue wa Mvidi Mukulu kungambila ne: Ambila kabidi bantu mu dina dia Maweja-Nangila wa bukole buonsu ne: “Bimenga bianyi nebipete bubanji tshiakabidi. Nensungule Yerushalayime kabidi, nengambuluishe Siyone.”

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

2 Korente 1:4

Nansha tuetu bapete makenga a mishindu kaayi, udi utusamba amu kutusamba. Ke mutudi mua kusamba kabidi badi mu makenga mashilangane, ne disambangana didi Mvidi Mukulu mene utusamba nadi.

1 Tesalonike 4:18

Nusambangane nanku ne miaku eyi.