Yeshaya 4:3 - MUKANDA WA MYIDI MUKULU

³ Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe, nebabikile muntu udibo bashiya mu Siona ne utshidi mushale mu Yelushalema ne, Wa Tshijila, mmuntu yonso mene udibo bafunda dina diandi munkatshi mua bantu basungudibue bua kuikaleye ne muoyo mu Yelushalema.

Yeshaya 4:3 ပူးပေါင်းရင်းမြစ်များ

Misambu 69:28

Badika malu mabi abu onsu, kubafuidi luse ku kalu nansha kamue.

Misambu 87:6

Maweja-Nangila udi mufunde mena a bantu mu mukanda wa mena, udi mumanyishe muntu yonsu wa kudibu ne: “Siyone ke tshimenga tshiende tshilelela.”

Yeshaya 1:27

Tshimenga tshia Siyone netshishale ne bukole, amu padi bena Siyone banemekangana, bapingana kudi Maweja-Nangila, benzelangana bimpe.

Yeshaya 28:5

Dituku dikuabu, Maweja-Nangila muena bukole buonsu neikale tshikata tshia lumu, tshifulu tshilengeja ne bilongu bimpe, tshisankisha bantu badi bashala ne muoyi.

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Yeshaya 46:3

Nuenu bena Izrayele, ntelejayi, nuenu bena Yakobe badi bashala ne muoyi, nuenu bandi mulame katshia banulela, katshia nuamona diba.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Yeshaya 6:13

Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yeshaya 62:12

Nebanuinyike ne: “Ke bantu ba tshijila, ke bantu bavua Maweja-Nangila mupikule.” Wewe Yerushalayime, kabena bakuinyika kabidi ne: “Tshimenga tshidi Mvidi Mukulu ubenga.” Kadi nebakuinyike ne: “Tshimenga tshidiye unanga.”

Yezekiyele 13:9

“Bambi badi bambila bantu malu a dishima adi afuma amu ku lungenyi luabu nkayabu, nembaleje bukole buanyi. Kabakuikala ne muaba mu tshipangu tshia bantu banyi. Kabena babafunda mu mukanda udi ne mena a bena Izrayele. Kabakupingana mu ditunga diabu. Nanku nebajadike ne: meme ndi Maweja-Nangila Mvidi Mukulu.

Yezekiyele 43:12

Ke mukenji munene udi utangila nzubu wa Mvidi Mukulu: miaba yonsu idi inyungulula nzubu pa katongabela ka mukuna, ke miaba ya tshijila menemene.

Obadya 1:17

Nanku bantu badi bashala ne muoyi, nebasombe mu Siyone. Mukuna wanyi awu newikale tshiakabidi wa tshijila. Ndelanganyi ya Yakobe, neyipingane mu ditunga diayi, divuabu babanyenge.

Zekâya 14:2

Bualu Maweja-Nangila neasangishe bisamba bionsu bua kuluisha Yerushalayime: nebakuate tshimenga, nebapawule bia mu nzubu yonsu, nebakuate bakaji, bababuelele mu nzubu ku bukole. Tshia bibidi tshia bantu netshiye mu bupika, kadi bakuabu nebashale mu tshimenga.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Bienzedi 13:48

Bavua kabayi bena Yuda bumvua nanku, kusankabu bikole, bela Mfumu tuasakidila bua muaku wende. Bantu bonsu bavuabu basungula bua kupeta muoyi wa kashidi, kubuelabu mu Tshisumbu tshia bena ditaba.

Rome 11:4

Kadi Mvidi Mukulu uvua mumuandamune tshinyi? Kumuandamunaye ne: “Ndi mudilamine bantu binunu muanda mutekete, bavua kabayi batendelela nwidie Baale.”

Rome 11:5

Momumue kabidi matuku aa, kasumbu ka bantu badi Mvidi Mukulu nkayende mudisunguile, muleje luse luende, katshidiku.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.