Yeshaya 38:12 - MUKANDA WA MYIDI MUKULU

¹² Mbatule nzubu undi nsomba, mudibu batula mutanda wa mulami wa mikoku, baya nawu kule kudi lupepele. Matuku anyi a panu akadi matue ku tshibungubungu, bu tshipese tshia tshilamba, tshidi mukumi ukosa buanda, uvunga. — Maweja-Nangila buatshia buila, udi mua kuvua kungangata, kumbutula. —

Mukanda wa Nzambi Dihungila Dikulukulu ne Dihungila Dihia-dihia 2003

¹² Bakûmusha nsubu wanyi, bakuntudileye bu mudibo batula nsubu wa ntenta wa mulami wa mikoko bua kuya nʼandi; nakuvunga muoyo wanyi bu mudi mukumi wa bilulu uvunga tshilamba tshiakukumeye; yeye neankose bua kungumusha mu mbungu; ku munya tô ne ku butuku wewe udi unfikisha ku ndekelu wa muoyo wanyi.

Yeshaya 38:12 ပူးပေါင်းရင်းမြစ်များ

Yobe 14:2

Muntu udi bu tshilongu tshidi tshibaluluka, tshifubidila musangu umue. Udi upita, ujimina diakamue bu mundidimbi.

Yobe 17:1

Ndi ngeyela ne lutatu, muoyi wanyi mmushikile munda, lukita luanyi lukadi buashi.

Yobe 4:20

Biangatshile mu dinda too ne ku dilolu, bantu badi bapita bafua, kabayi nansha babamona kabidi.

Yobe 6:9

Mbimpe Mvidi Mukulu anzaze, alekele kundama, ambutule.

Misambu 102:11

Bualu udi ne tshiji, udi mufike munda, ke paudi mungambule, mungimanshe kule.

Misambu 119:23

Nansha bamfumu bangelela tshitungu tshibi, ndi muena mudimu webe, ndi ngelangana meji ku malu audi wewe musue.

Misambu 31:22

Maweja-Nangila, tuasakidila, uvua mundeje muuvua munnange bikole. Meme mvua bu tshimenga tshidibu baluisha.

Misambu 73:14

Matuku onsu ndi mmona amu makenga, dinda dionsu ndi mpeta amu dikasa dibi.

Misambu 90:5

Udi ushipa muoyi wa muntu, upita bu tshilota tshia mu dinda, bu tshisosa tshidi tshitoloka,

Yeshaya 1:8

Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Yeshaya 13:20

Ditunga dia Babilone nedishale munda mutupu kashidi kashidi. Nansha bena ngendu, kabena basamu mitanda yabu to. Nansha badishi ba bimuna, kabena bimanamu to.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

2 Korente 5:4

Eyowa, patutshidi tusomba mu nzubu wetu wa panu ewu, tudi tutua mikemu bu bambule bujitu. Katuena basue kushiya mubidi wetu wa panu. Kadi tudi basue batubuikile ne mubidi wetu wa mu diulu, bua bidi ne bua kufua biandamuke bienze bia muoyi.

Ebrewu 1:12

Neubivunge mudibu bavunga kazaku, nebikudimuke bu bilamba. Kadi wewe udi ushala momumue, bidimu biebe kabiena bijika.”

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.