Yeshaya 32:4 - MUKANDA WA MYIDI MUKULU

⁴ Bantu badi kabayi bela meji, nebatuadije kumvua malu. Bena tshikukumina nebatuadije kuakula bimpe. Bantu bonsu nebumvue tshidibu bamba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mutshima wa muntu udi wamba malu lukuluku newikale ne lungenyi lua kujingulula, ne ndimi ya bena tshikukumina neyikale mihehele, neyakule bimpe.

Yeshaya 32:4 ပူးပေါင်းရင်းမြစ်များ

Ekesode 4:11

Maweja-Nangila kuandamuna ne: — Lekela kuamba nanku. Udi mufuke muntu ne mukana mua kuakula nnganyi? Nanku muntu udi mua kuakula bimpe nansha kushala kamama, kumvua nansha kuikala ne mapapa, kumona nansha kayi umona ku bukole bua nganyi? Ki nku bukole buanyi meme Maweja-Nangila anyi?

Musambu wa Solomo 7:9

Ke meme kuamba ne: “Ndi mbanda kulu, ntungule ngaji!” Mabele ebe adi bu bisumbu bia tumuma tua mvinyo. Mupuya webe udi ne dipembu dimpe bu dia bimuma bisheme.

Yeshaya 29:24

Bantu bavua bapange lungenyi, nebatuadije kungumvua. Bavua bela amu mpata, nebanyishe bua babalongeshe.”

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Yeshaya 35:5

Diba adi, mesu a bampofu neatabale, amone bimpe, matshi a bena mapapa, neunwue biakane.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Ngalate 1:23

Bavua anu bamanye bivua bantu bamba ne: “Muntu ewu uvua mutukengeshe kale, ukadi ulongesha ditaba divuaye ukeba kubutula.”