Yeshaya 32:13 - MUKANDA WA MYIDI MUKULU

¹³ Dilayi bua buloba bua bantu banyi, budi bunyanga kudi meba ne tshisuku. Dilayi, bualu disanka ndimane kumuka mu nzubu yenu yonsu. Musangelu kawena kabidi mu tshimenga to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ bua buloba bua bantu banyi bukadi ha kumenesha meba ne mingonge, ne kua nsubu yonso ya disanka ya mu musoko wa disanka.

Yeshaya 32:13 ပူးပေါင်းရင်းမြစ်များ

Yeshaya 22:2

Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Osheya 9:6

Panuanyema mu ditunga dienu, didibu bamane kunyangakaja, bena Ejipitu nebanuakidile. Kadi, amu bua kunuteka mu nkita ya mu tshimenga tshia Memfise. Mionji ya mpese neibuikile tshiamu tshienu tshitoke tshia mushinga mukole. Meba ne mingonga nebitoloke mu nzubu yenu.

Yeshaya 34:13

Mitshi ya meba idi imena mu nzubu ya bukalenga. Mpesa ne mingonga, bidi bitoloka mu bimenga bivuabu bakoleshe ne bimana. Mibuabua idi inayilamu, nyunyi ya kafyondu iladilamu.

Yeshaya 7:23

Dituku adi kabidi, budimi buvua ne mionji ya mvinyo tshinunu, buvuabu mua kupana ku nkanu mitoke ya mushinga mukole tshinunu, nebushale amu meba ne mingonga.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Misambu 107:34

buloba bua bufuke buenza bua lusenga, pikala badi basombapu benza malu mabi.

Yeshaya 5:10

Budimi bua mvinyo bua metre nkama isatu, kabuena bupatula litre makumi atanu ya maluvu to. Muntu udi umiamina kilo makumi atanu ya ntete, neanowe kilo amu dikumi.”

Yeshaya 23:7

Etshi ntshimenga tshienu, tshivua bantu basankidile kale anyi? Tshimenga tshienu bavua batshiase kukadi bidimu bipite bungi. Bena tshimenga tshienu, ke bavua baye kusomba, mu matunga a kule.”

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 24:11

Bantu badi badidila mu misesu, bualu kabatshiena ne mvinyo. Disanka dionsu ndijike, tuseku ntujimine mu ditunga.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 55:13

Mitshi ya siprese neitoloke miaba ivua mitshi ya meba. Mutshi wa mirte neutoloke pavua mingonga. Bantu nebatumbishe Maweja-Nangila. Ke mudibu mua kuvuluka kashidi, bivua Maweja-Nangila munuenzele.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 52:27

Ke mukalenga awu kubashipesha anu muaba awu mu ditunga dia Amate. Ke muvuabu bakuate bena Yuda baye nabu kule mu ditunga dia bende.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”