Yeshaya 31:3 - MUKANDA WA MYIDI MUKULU

³ Bena Ejipitu badi amu bantu, kabena mvidie to. Nyama ya tubalu idi amu nyama, kayena mikishi idi kayiyi ne mibidi to. Padi Maweja-Nangila olola tshianza, badi bambuluisha bakuabu nebadishinde, ne badibu bambuluisha nebapone kabidi panshi. Bonsu bubidi buabu nebabutuke pamue.

Mukanda wa Nzambi Dihungila Dikulukulu ne Dihungila Dihia-dihia 2003

³ Bena Ejipitu badi bantu, kabena Nzambi nansha; tubalu tuabo tudi nyama, katuena nyuma nansha. Holola Yehowa tshianza tshiandi, mukuatshishi nealenduke, ne udiye mukuatshishe neadishinde, ne buonso buabo nebajimine hohamue.

Yeshaya 31:3 ပူးပေါင်းရင်းမြစ်များ

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yezekiyele 28:9

Padibu bafika bua kukushipa, newambe kabidi ne: ndi mvidie anyi? Udi muntu patupu! Bumvidie buebe kabuakumueneka diba didi bashipianganyi bakakuata.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yeshaya 30:7

Balombodi badi baya nabi kudi bena Ejipitu, badi kabayi mua kuenza bualu nansha bumue. Ke pamvua muinyike Ejipitu dina ne: “Nyoka udi kayi unyungakana.”

Misambu 33:17

Kabalu kakena kasungidila muntu, bukole buaku kabuena buambuluisha mukabandi.

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

Yeshaya 36:9

Kadi, wewe udi mua kunyemesha mulombodi wa bena mvita ba mfumuanyi, nansha yeye kayi mumanye mvita bimpe, bishi? Ke wewe kutekemena bena Ejipitu, bua kukupeshabu matempu a mvita ne nyama ya tubalu!

Yeshaya 36:6

Udi mutekemene bena Ejipitu anyi? Bena Ejipitu badi amu bu tshikolu tshimane kutshibuka. Padi muntu wenda ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi bamutekemena.

Yeshaya 30:5

Buonsu buabu nebabafuishe bundu, kudi bantu badi kabayi mua kuambuluisha muntu nansha umue. Kudi bena Ejipitu, nenupete amu bundu ne kadiwu. Kabakunuambuluisha nansha ku tshintu tshimue.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Misambu 118:8

Mbimpe kukeba diambuluisha kudi Maweja-Nangila, pamutu pa kutekemena kudi muntu!

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 20:6

Dituku adi, badi basomba ku muelelu wa mayi manene, muaba utudi base, nebambe ne: “Monayi tshidi tshienzekela batuvua batekemene! Tuvua basue kunyemena kudibu, bua batupandishe ku tshinyangu tshia kudi mukalenga wa bena Ashure… Watupandisha kabidi mpindiewu nnganyi?”

Yeshaya 30:16

Nudi nuandamuna ne: “Nansha kakese! Netubande pa nyama ya tubalu, tunyeme lubilu!” Bulelela, nenubande pa tubalu, nunyeme lubilu. Bualu badi banuipata! Nudi nuamba kabidi ne: “Tubalu tuetu tudi tunyema lukasa.” Eyowa, kadi badi banulondakaja, badi banyema kabidi lubilu lupita lua tubalu tuenu!

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.

Yezekiyele 28:2

— Muntu, umanyishe mukalenga wa bena Tire bindi meme Maweja-Nangila mmuambila ne: “Muoyi webe uvua ulunduka ne ditambisha. Uvua wamba ne:

Amosa 2:15

Muena buta bua mikete, kakutua mukolu panshi. Udi ne lubilu lupite, kakupanda to. Nansha udi ubanda pa nyama wa kabalu, kakunyema nansha.

2 Kulondolola 32:8

Yeye udi ne bantu badi bamuambuluisha bua kuluangana. Kadi tuetu tudi ne Maweja-Nangila Mvidi Mukulu wetu, udi utuambuluisha, utuluila mvita. Mukalenga Izkiya wamba miaku ayi, bantu bonsu ba mu tshimenga kupeta dikima.

Yeshaya 20:4

Mukalenga wa bena Ashure neaye kuende ne bantu, bana ne bakulumpe, badiye mukuate mu Ejipitu, ne mu ditunga dia bena Kushe. Bonsu aba nebaye kabayi ne bilamba pambidi, nansha bisabata ku makasa. Bena Ejipitu nebafue bundu, padibu batangila bantu kunyima kutupu.