Yeshaya 30:3 - MUKANDA WA MYIDI MUKULU

³ Kadi mukalenga wa bena Ejipitu, kena mua kunuambuluisha to. Tshisokomenu tshinudi nukeba mu Ejipitu, netshinufuishe bundu,

Mukanda wa Nzambi Dihungila Dikulukulu ne Dihungila Dihia-dihia 2003

³ Nunku bukole bua Palô nebulue bu bualu bua kunufuisha bundu, ne tshisokomenu tshia mu mundidimbi wa Ejipitu netshilue dibuandakana dienu.

Yeshaya 30:3 ပူးပေါင်းရင်းမြစ်များ

2 Bakalenga 18:21

Udi mutekemene kudi bena Ejipitu anyi? Bena Ejipitu badi anu bu tshikolu tshia dibue tshimane kutshibuka, padi muntu ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi batekemena kudiye.

Misambu 108:12

Anu wewe, Mvidi Mukulu, kadi udi mutubenge, kutshiena ufila biluilu bietu ku mvita to.

Nsumuinu 25:19

Kutekemena paudi mu dikenga kudi muntu udi kayi wenza tshidiye mukulaye, bidi bu kudiila ku dinu dibola nansha kuendela ku dikasa dikoyoboka.

Yeshaya 20:5

Bonsu bavua batekemena kudi bena Kushe, batemba bena Ejipitu, nebatekete mu maboku, bafue bundu.”

Yeshaya 20:6

Dituku adi, badi basomba ku muelelu wa mayi manene, muaba utudi base, nebambe ne: “Monayi tshidi tshienzekela batuvua batekemene! Tuvua basue kunyemena kudibu, bua batupandishe ku tshinyangu tshia kudi mukalenga wa bena Ashure… Watupandisha kabidi mpindiewu nnganyi?”

Yeshaya 36:6

Udi mutekemene bena Ejipitu anyi? Bena Ejipitu badi amu bu tshikolu tshimane kutshibuka. Padi muntu wenda ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi bamutekemena.

Yirmeya 2:36

Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 42:22

Nanku numanye ne: nenufue mu mvita, ku tshiyole tshia nzala, nansha ku disama dia tshiambu, muaba mene unudi nujinga mua kusokomena awu!

Yirmeya 46:25

Maweja-Nangila wa bukole buonsu Mvidi Mukulu wa Izrayele udi wamba ne: “Nennyoke Amone, mvidie wa mu Tebe, nennyoke Ejipitu ne mvidie yende ne bakalenga bende. Nennyoke mukalenga wa bena Ejipitu ne bena diende.

Yezekiyele 29:7

Bavua bakukuata wewe Ejipitu mu tshianza. Kadi wewe kutshibukila mu bianza biabu. Wewe kubatapa mputa ku dikaya, kubatekesha ku muoyi.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Rome 10:11

Ke padi Mukanda wa tshijila wamba ne: “Yonsu udi umuitaba, kakufua bundu.”

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.