Yeshaya 3:11 - MUKANDA WA MYIDI MUKULU

¹¹ Bantu babi mbena diakabi. Nebabenzele muvuabu benzela bantu nabu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mulau wikale kudi muntu mubi! Neafute dikasa dibi; bualu bua nebamuenzele yeye bienzedi biakuenzeye ne bianza biandi.

Yeshaya 3:11 ပူးပေါင်းရင်းမြစ်များ

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

1 Bakalenga 21:21

Maweja-Nangila udi wamba ne: “Nenkutumine makenga makole. Nenkubutule wewe ne bantu bonsu ba mu diku diebe, bakulumpe ne bana batekete.

2 Kulondolola 6:23

Diba adi, wewe Maweja-Nangila udi mu diulu, wikale muteleje, ukose tshilumbu tshia bena mudimu bebe, bua muena tshibawu apete dinyoka, bua udi mubinge amueneke ne: kena ne bualu.

Yobe 10:15

Nenku meme muenze bibi, ndi muena diakabi! Kadi meme muenze bimpe, kabena bangangata ne mushinga to. Ndi amu ne bua kufua bundu, kubuela mu dikenga.

Misambu 28:4

Ubanyoke bilondeshile malu mabi avuabu benze, ubapingajile bubi buvuabu benzele bakuabu.

Misambu 62:12

Misangu mivule nkadi mumvue diyi dia Mvidi Mukulu, diamba ne: “Bukole buonsu budi amu kundi.”

Nsumuinu 1:31

Nenupete dinyoka dinudi nudikebela. Binudi nuenza nebinukebele makenga.

Nsumuinu 11:31

Muntu muakane neapete difutu diende pa buloba. Kadi mimanye ne: muena lonji ne muenji wa bibi, nebapete difutu dibakumbanyine.

Nsumuinu 12:14

Miaku ya muntu idi mua kumupetesha diakalenga, bu mudi mudimu upetesha muntu difutu.

Nsumuinu 26:27

Udi umbuila mukuende dijimba neakulukemu. Dibue diudi ubunguluja nedikubungulukile pambidi.

Muambi 8:13

Kadi muntu udi wenza malu mabi, kakuikala ne diakalenga. Kakunenga panu. Neafue ne bidimu bikese bualu kena utshina Mvidi Mukulu to.?”

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 48:22

Kadi Maweja-Nangila udi wamba ne: diakalenga edi, kadiena bua bantu badi kabayi bitaba, kabayi balama mikenji.

Yeshaya 65:20

Kabakusangana kabidi muana mutekete ufua ne bidimu bikese, nansha mukulumpe udi kayi ukulakaja uboboka. Bualu wafua mutekete amu udi ufua pa mvula lukama. Wikale kayi mupete bidimu ebi, nebamutangile bu muntu muela mulawu.

Yeshaya 65:6

Kadi, ndi mumanye bionsu bivuabu benza. Tshiakupuwa kabidi to. Tshiakuikisha, amu meme mumane kubanyoka.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Yirmeya 31:30

Bushuwa, anu muntu udi udia tumuma tua mvinyo tubishi ke udi buanji bubuela ku menu. Nanku, muntu yonsu neafue anu bua bilema biende.

Yezekiyele 16:59

“Teleja tshindi meme Maweja-Nangila Mvidi Mukulu ngamba ne: kuena munemeke malaya auvua mulaye. Kadi udi munyange ndondu wetu. Nanku nenkunyoke bilondeshile biuvua muenze.

Yezekiyele 18:20

Anu muena tshibawu, wasangana kufua anyi? Wafua! Kabena mua kunyoka bana bua bubi bua baledi babu, nansha kunyoka baledi bua bubi bua bana babu. Muntu muimpe nebamufute bilondeshile buimpe buende. Muntu mubi nebamunyoke bilondeshile bubi buende.

Yezekiyele 2:10

Tshianza tshitua tshivungulula mukanda kumpala kuanyi. Bavua bafunde miaku mu nseke yonsu ibidi ya mukanda. Batua bafundemu miadi ya madilu, miyenga ne mikemu.

Yezekiyele 24:14

Meme Maweja-Nangila Mvidi Mukulu ndi njadika ne: bionsu ebi nebikumbane. Nenkunyoke tshiyi mpingana panyima, tshiyi ngunwua kanyinganyinga, nansha luse. Nebakunyoke bua malu ebe mabi. Meme Maweja-Nangila Mvidi Mukulu ndi ngamba nanku.

Yezekiyele 33:8

Meme mudimuje muntu ne: udi ufua bua bubi buebe, wewe kuyi mumubele bua akaje nsombelu wende, muntu ewu neafue bua bilema biende. Kadi wewe, nenkuase tshilumbu bua lufu lua muntu awu.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Mika 7:13

Kadi buloba bukuabu nebushale tshipela, bua malu mabi a badi basombapu.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Balombodi 9:57

Mvidi Mukulu uvua munyoke kabidi bena Shekeme, bua lonji lukole luwabu nalu. Manyoka onsu avua Yotame, muana wa Yerubaale, muambile bena Shekeme, kukumbanawu.