Yeshaya 28:3 - MUKANDA WA MYIDI MUKULU

³ Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Mukanda wa Nzambi Dihungila Dikulukulu ne Dihungila Dihia-dihia 2003

³ Tshifulu tshia bunfumu tshia diambu tshia bakuatshiki ba maluvu ba mu Efelayima netshidiatshibue muinshi mua makasa.

Yeshaya 28:3 ပူးပေါင်းရင်းမြစ်များ

2 Bakalenga 9:33

Yehu kubela diyi ne: — Sakilayi mukaji awu panshi! Kusakilabu Yezabele pa dididishi. Kudishindaye panshi. Mashi ende kutampakana ku bimana ne ku nyama ya tubalu. Yehu kudiatakaja tshitalu atshi ne ditempu.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 26:6

Mpindiewu bantu bapele ne badibu bapetula, badi mua kudiata muaba awu.”

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 28:18

Nebashipe ndondu yenu ne lufu. Diumvuangana dienu ne bajangi, kadiakuikalaku kabidi to. Pafika tshipupu, netshinuboze.

Yeshaya 5:11

Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Yeshaya 63:3

— Eyowa, ndi mukame tumuma mu tshiamu nkayanyi. Tshivua ne muena kuetu nansha umue uvua ungambuluisha. Mvua ne tshiji ne lonji. Meme kudiata bantu, kubatua miseba. Mashi abu avua mansampukile ku bilamba, ke mudi bilamba bianyi ne makeji makunze nanku.

Yeshaya 9:9

“Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Muadi 1:15

Maweja-Nangila uvua mupepeje bena mvita ba bukitu bonsu bamvua nabu. Uvua mundongoluele tshiluilu bua kunduisha, bua kuzaza nsongalume yanyi. Uvua munzaze, meme Siyone wa Yuda, bu mudibu bakama tumuma tua mvinyo mu tshikaminu.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.