Yeshaya 28:2 - MUKANDA WA MYIDI MUKULU

² Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Mukanda wa Nzambi Dihungila Dikulukulu ne Dihungila Dihia-dihia 2003

² Monai, Mukelenge udi ne muntu munene ne mukole udi bu tshihuhu tshia mabue a mula tshidi tshishiha bintu bikuabo, udi bu mai adi ahueka bikole adi ahasalala mielelu ya musulu ku mpala kua tshihuhu, udi wela bintu hanshi ne tshianza tshiandi tshikole.

Yeshaya 28:2 ပူးပေါင်းရင်းမြစ်များ

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yeshaya 29:6

Maweja-Nangila muena bukole buonsu neakuambuluishe, ne makubakuba a mvula, ne bikumina, ne mvunde wa tshipupu, ne ndimi ya kapia idi ibutula bintu bionsu.

Yeshaya 30:28

Mueyelu wende udi ne bukole bu bua muenji wa musulu. Udi ufika bua kukengesha bantu, kubapepula, kubimansha bu bisota, kubela nkanu ku mbanga, bua kuya nabu kudibu kabayi basue.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yeshaya 32:19

Mabue a mvula nealoke bikole muitu, mua baluishi babu, tshimenga tshiabu netshidine mu mayi.

Yeshaya 40:10

Monayi Maweja-Nangila Mvidi Mukulu. Udi ufika ne bukole, bua kulongolola bukalenga buende. Udi upingaja bena diende kuabu. Bavuaye mupikule, badi benda kumpala kuende.

Yeshaya 8:6

— Tshisamba etshi tshidi tshibenga mayi a mu mukidi wa Shilo, adi apueka kaayi muenji. Tshidi tshiteketa mu maboku, pa kumona bakalenga babidi aba: Resine ne Peka.

Yezekiyele 13:11

Nanku, wambile balabi ba lupemba abu ne: Tshimana netshiupuke. Mvula mukole nealoke. Mabue a mvula neapone. Tshipepele tshia mvula wa tshipupu netshijuke.

Yezekiyele 38:9

Kadi wewe Ngoge Mubaluishe ne tshiluilu tshiebe, kabidi ne bantu ba mu bisamba bikuabu baudi nabu. Neubuele ne mvita mu ditunga diabu ne lubilu bu lua mvula wa tshipupu. Newikale bu matuba adi abuikila ditunga diabu.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Didimanyisha 18:8

Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.