Yeshaya 27:1 - MUKANDA WA MYIDI MUKULU

¹ Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Yeshaya 27:1 ပူးပေါင်းရင်းမြစ်များ

Yobe 26:13

Udi wela mupuya, utokesha tshibuashibuashi. Tshianza tshiende tshivua tshishipa nyoka wa mantonya,

Yobe 3:8

Bena majimbu bonsu, badi bamanya mua kutshipa matuku, ne badi ne bukole bua kutabuluja nyoka wa tshidika, batshipe butuku abu.

Yobe 40:19

Ku bionsu bindi muenze, anu yeye ke udi mupite mikuabu. Meme nkayanyi, ke Mufuki wende, ndi mua kumutekesha.

Yobe 41:1

Badi batekemena kumutshimuna badi badidinga. Yeye anu mukutangile udi udishinda panshi.

Misambu 104:26

Mazuwa adi endakanamu, mamba muntu wa mu mayi, Leviyatane, uvua mumufuke bua kunayamu nende.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yeshaya 65:12

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.

Yeshaya 65:25

Nyama wa mubuabua ne kana ka mukoku nebidiile pamue. Nyama wa ntambue neadie bisosa bu ngombe. Nyoka bua kudiaye, neadie amu lupuishi. Maweja-Nangila udi wamba ne: Bantu kabakuenza kabidi bibi, nansha kukengesha muntu nabu pa mukuna wanyi wa tshijila to.

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Yirmeya 47:6

Nudi nuamba ne: “Eyi, muele wa mvita wa Maweja-Nangila, kuena wikisha anyi? Pingana mu tshibubu tshiebe. Usombe talalaa, wikishe.”

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Yirmeya 51:34

“Nebukadnesare, mukalenga wa Babilone, mmundie, mmunsunsule, mmushiye bu dilongu didi munda mutupu. Mmumine bu mudi nyama wa tshidika wenza. Udi muwuje difu tente ne bintu bilenga bionsu bimvua nabi. Pashishe yeye kungimansha.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Amosa 9:3

Nansha baye kusokoma pa mukuna wa Karmele, nembasanganemu, mbakuata. Nansha baye kubutama muinshi mua mayi manene bua tshiyi mbamona kabidi, nembatumine nyoka munene wa mu mayi, aye kubasuma muine amu.

Didimanyisha 12:3

Tshintu tshikuabu kumueneka mu diulu: ke nyoka mukunze munene wa tshidika, muikale ne mitu muanda mutekete, kabidi ne nsengu dikumi. Ku mutu onsu kuvua tshifulu tshia bukalenga.

Didimanyisha 13:11

Pashishe meme kumona nyama mukuabu upatuka mu buloba. Uvua ne nsengu ibidi bu ya mukoku, wakula bu nyoka wa tshidika.

Didimanyisha 13:4

Bantu bonsu kutuadija kukukuila nyoka wa tshidika, bualu uvua mufile bumfumu buende kudi nyama. Bavua bakukuila kabidi nyama, bamba ne: “Udi mufuanangane ne nyama nnganyi? Udi mua kuluangana nende nnganyi?”

Didimanyisha 16:13

Pashishe meme kumona mikishi mibi isatu, mifuanangane ne ndimba. Ivua ipatuka mukana mua nyoka wa tshidika, mua nyama, ne mua muambi wa dishima.

Didimanyisha 17:1

Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Didimanyisha 17:15

Mutumibue kungambila kabidi ne: — Mayi auvua mumone muaba uvua mukaji muena buendenda musombe, ke bantu ba mu bisamba bionsu, ba mu matunga onsu, ne ba miakulu yonsu.

Didimanyisha 19:21

Kushipabu biluilu biabu ku muele uvua upatuka mukana mua uvua mubande pa kabalu. Nyunyi yonsu kudiayi minyinyi yabi.

Didimanyisha 2:16

Nanku, udilengeje. Tshianana, nemfike kuudi amu mpindiewu. Nenduishe bantu aba ne muele udi upatuka mukana muanyi.

Didimanyisha 20:2

Kukuataye nyoka wa tshidika, nyoka wa kale: ke diabolu nansha Satane. Kumusuikaye bua bamulame mu lukanu bidimu tshinunu.