Yeshaya 26:8 - MUKANDA WA MYIDI MUKULU

⁸ Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 26:8 ပူးပေါင်းရင်းမြစ်များ

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 130:5

Ndi mutekemene kudi Maweja-Nangila, ne muoyi wanyi mujima, muindile diandamuna diende.

Misambu 18:23

Ndi ndonda njila udiye undeja, tshiyi mbenga tshidiye mufunde.

Misambu 42:2

Bu mudi ngulungu udila, ukeba mayi mimpe a musulu, ke mudi muoyi wanyi ukujinga wewe Mvidi Mukulu wanyi.

Misambu 65:6

Mvidi Mukulu mutupandishi wetu, wewe nkayebe udi ukumbaja biudi ulaya, wenzela bantu badi bakutendelela malu a dikema. Ke mudi bantu pa buloba bujima batekemena kuudi, nansha badi basomba mu bidila bidi kule.

Misambu 73:25

Mu diulu udi mua kungambuluisha nnganyi? Ki ngwewe nkayebe anyi? Panu panshi tshindi mua kujinga kabidi ntshinyi? Wewe ke undi nende.

Misambu 84:2

Maweja-Nangila wa bukole buonsu, ndi munange nzubu webe bikole!

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Musambu wa Solomo 5:8

“Eyi, nuenu nsongakaji ya mu Yerushalayime, ndi nnulomba, nnusengelela ne: nuenu basambakena ne munanga wanyi, nenumuambile tshinyi? Numuambile ne: Dinanga ndinsamishe muoyi!”

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 26:13

Maweja-Nangila Mvidi Mukulu wetu, tuvua ne bamfumu bakuabu. Kadi wewe nkayebe, ke utudi tuvuluka.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 33:2

Maweja-Nangila, utunwuile luse. Tudi tukutekemena, tukuindila. Dinda dionsu, utukoleshe. Diba dia dikenga, utusungidile.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yeshaya 51:4

Maweja-Nangila udi wamba ne: “Nuenu bantu banyi, ntelejayi bimpe. Nuenu bena ditunga dianyi, teyayi matshi enu kundi. Meme ke udi umanyisha bantu meyi. Meyi ne mikandu bindi ngela, nebitokeshile bantu ba pa buloba njila.

Yeshaya 56:1

Maweja-Nangila uvua muambe ne: “Nulonde buakane. Nuenze malu mempe. Bualu lupandu lundi mufike nalu ludi pabuipi, lukadi pa kufika. Bonsu nebamone mundi nkumbaja malaya anyi.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Dibadika 36:13

Mikenji eyi, ke ivua Maweja-Nangila muambile Moshe bua kumanyisha bena Izrayele, bavua mu mpata ya Mowabe, dishiya dia musulu wa Yardene, mitangilangane ne Yeriko.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Bienzedi 1:4

Dituku dikuabu, pavuaye usomba nabu ku mesa, kubakandikaye ne: — Kanumuki mu Yerushalayime. Kadi nuindile dipa dimvua munumanyishe, divua Tatu mulaye.

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

2 Tesalonike 3:5

Mfumu unzulule mioyi yenu, bua nuakidile Mvidi Mukulu udi ununanga, nuakidile kabidi Yezu udi ufila lutulu.