Yeshaya 26:3 - MUKANDA WA MYIDI MUKULU

³ Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Mukanda wa Nzambi Dihungila Dikulukulu ne Dihungila Dihia-dihia 2003

³ Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 26:3 ပူးပေါင်းရင်းမြစ်များ

1 Kulondolola 5:20

Bavua batekemena kudi Mvidi Mukulu munkatshi mua mvita ayi. Kusengelelabu Mvidi Mukulu bua kupeta diambuluisha. Mvidi Mukulu kubateleja, kubambuluisha. Bobu kutshimuna bena Agri ne bonsu bavua batue ku tshiabu.

2 Kulondolola 13:18

Tshikondu atshi, bena Izrayele kukuatshika bundu. Bena Yuda kutshimuna, bualu bavua bitabe Maweja-Nangila, Mvidi Mukulu wa bankambua babu.

2 Kulondolola 16:8

Bena Kushe ne bena Libiya bavua badisangisha tshisumbu tshimue, bikale bena mvita ba bukitu. Bavua ne matempu a mvita, ne babandi ba pa nyama ya tubalu bapite bungi. Kadi, Maweja-Nangila mmubafile bonsu mu bianza biebe, bualu uvuamumuitabe diba adi.

Misambu 119:165

Bantu badi bananga mikenji yebe, badi ne disanka dia bungi, kabena mua kutetuka.

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

Misambu 9:10

Kudi Maweja-Nangila ke kudi bonsu badibu bakengesha banyemena, ke kudibu basokomena diba dia dikenga.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 27:5

Ke mundi nnyoka baluishi bonsu ba budimi buanyi, padibu kabayi bankeba, kabayi batua nanyi ndondu. Eyowa, bumvuangane nanyi.”

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 32:17

Buakane nebupatule bupole. Nebufile ditalala bua kashidi, bantu kabayi ne bua kutshina kabidi to.

Yeshaya 32:18

Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 42:19

Nganyi udi mpofu? Amu nuenu bantu banyi! Nganyi udi ne mapapa? Amu nuenu bandi ntuma! — Eyowa, udi mpofu, bu muntu udi Mvidi Mukulu utuma, nnganyi? Udi ne mapapa, bu muntu wa Maweja-Nangila, nnganyi?

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Yeshaya 48:2

Nuenu nudi nudisua, bua padibu banuinyika ne: “Bena tshimenga tshijidila.” Nudi nuditemba nuamba ne: tudi tunemenena kudi Mvidi Mukulu wa bena Izrayele, udibu binyika ne: “Maweja-Nangila muena bukole buonsu.” Kadi telejayi bualu ebu:

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

Yeshaya 66:12

Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yirmeya 39:18

Eyowa, nenkuepule ku lufu. Neushale ne muoyi, bualu uvua muntekemene meme. Ke mundi meme Maweja-Nangila ngamba nanku.”

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.

Danyele 6:23

Eyowa, Mvidi Mukulu wanyi uvua mutume mutumibue wende bua kukanga mbanga ya nyama ya ntambue. Kayena mingenzele bibi. Bualu tshiena muenze tshibawu ku mesu a Mvidi Mukulu. Kabidi tshiena mukuenzele tshilema nansha tshimue, mukalenga!

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Rome 5:1

Nanku tuetu bamane kubinga ku mesu kua Mvidi Mukulu amu bua ditaba, mpindiewu pankatshi petu nende tudi ne bupole mu dina dia Mfumu wetu Yezu Kristu.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.