Yeshaya 23:4 - MUKANDA WA MYIDI MUKULU

⁴ Nuenu bena Sidone, nudi mua kumvua bundu, ne nuenu kabidi bena tshimenga tshia Tire tshivuabu bakoleshe ne bimana. Mayi manene, adi kaayi amona matu, adi amba ne: “Ndi bu mamu uvua kayi mumvue makenga, kayi mulele bana, kayi mukele bana ba balume, kayi mukoleshe bana ba bakaji.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuenu ba mu Sidona, nukuatshike bundu, bualu bua mai manene akuamba dî, musoko wa ngumbu ya nvita wa ha mai manene wakuamba ne, Tshiena muanze kutantamena, tshiena muanze kulela, tshiena muanze kukolesha bansongalume anyi kudiundisha mishikankunde itshidi tumama.

Yeshaya 23:4 ပူးပေါင်းရင်းမြစ်များ

Genese 10:15

Kenaane kulela bana ba balume babidi: Sidone muanabute, ne muakunyende Ete.

Genese 10:19

Mukalu wa bena Kenaane uvua mutuadije ku Sidone too ne ku Ngerare pa buipi ne Ngaza. Mmutuadije kabidi ku Sodome ne Ngomore, too ne ku Adma ne Seboyime pabuipi ne Lesha.

Yirmeya 25:22

— ke bakalenga bonsu ba mu Tire, ba mu Sidone, ne ba ku matunga adi dishiya dia mayi manene;

Yirmeya 27:3

Pashishe, uyitume kudi mukalenga wa bena Edome, wa bena Mowabe, wa bena Amone, kudi mukalenga wa bena Tire, too ne kudi mukalenga wa bena Sidone. Bua bakalenga aba bayipete, ufile mitshi eyi kudi bamienampala ba bakalenga abu bavua bafika mu Yerushalayime bua kumonangana ne Sedekiya mukalenga wa bena Yuda.

Yezekiyele 28:21

— Yezekiyele, tangila ku tshimenga tshia Sidone. Wambila bena tshimenga mundi mbakanyina.

Yezekiyele 28:22

Meme Maweja-Nangila Mvidi Mukulu ndi mbambila ne: “Nuenu bena Sidone nennunyoke. Nendeje butumbi buanyi ku malu andi nnuenzela. Pandi nnunyoka bantu bonsu nebamanye ne: meme ndi Maweja-Nangila. Ke mundi mbaleja mundi Mvidi Mukulu wa tshijila.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Didimanyisha 18:23

Muendu kawakukenka kabidi muebe nansha musangu umue. Kabakumvua kabidi muebe mbila ya disanka ya badi babuela mu dibaka. Bangenda mushinga ba muebe ke bavua bapite ba buloba bujima. Kadi udi mushime bisamba bionsu ne malu ebe a majimbu.”

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.