Yeshaya 22:2 - MUKANDA WA MYIDI MUKULU

² Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Mukanda wa Nzambi Dihungila Dikulukulu ne Dihungila Dihia-dihia 2003

² Wewe udi mûle tente ne mbila, musoko udi ne diyoyo tente, musoko udi usanka bikole; bakushihibua munkatshi muebe kabakushihibua ku miele, kabena bafue mu nvita.

Yeshaya 22:2 ပူးပေါင်းရင်းမြစ်များ

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 23:7

Etshi ntshimenga tshienu, tshivua bantu basankidile kale anyi? Tshimenga tshienu bavua batshiase kukadi bidimu bipite bungi. Bena tshimenga tshienu, ke bavua baye kusomba, mu matunga a kule.”

Yeshaya 32:13

Dilayi bua buloba bua bantu banyi, budi bunyanga kudi meba ne tshisuku. Dilayi, bualu disanka ndimane kumuka mu nzubu yenu yonsu. Musangelu kawena kabidi mu tshimenga to.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 37:33

Kadi mpindiewu, telejayi: bua mukalenga wa bena Ashure, Maweja-Nangila udi wamba ne: — Kakubuela mu tshimenga etshi to. Kena mua kuasa muntu wa mu tshimenga etshi mukete to. Ngabu yende kayena mua kumuambuluisha bua kuluishaye tshimenga etshi. Kena mua kusemena pabuipi natshi to. Kena mua kuela dibula dia kuluangana mvita momu to.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 38:2

— Maweja-Nangila udi wamba ne: “Muntu yonsu washala mu tshimenga etshi neafue ku mvita, ku tshiyole tshia nzala, nansha ku disama dia tshiambu. Kadi muntu yonsu umuka mu tshimenga etshi, bua kuya kudifila kudi bena Babilone, neashale ne muoyi.”

Yirmeya 52:6

Tshiyole tshia nzala tshivua tshikole mu tshimenga. Bantu kabavua kabidi ne biakudia to. Ku matuku tshitema a ngondu muinayi,

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Yezekiyele 22:5

Ukadi ne lumu lubi. Ditunga diebe ndia tshimvundu. Matunga adi kule ne matunga adi pabuipi neakuseke.

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.