Yeshaya 22:14 - MUKANDA WA MYIDI MUKULU

¹⁴ Kadi Maweja-Nangila muena bukole buonsu, uvua mungambile ne: “Ndi nditshipa, tshiena ndekela tshilema etshi, amu nuenu bamane kufua.” Maweja-Nangila, Mvidi Mukulu muena bukole buonsu udi ujadika nanku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wa misumba wakadimuenesha mu dî dinakunvua mu matshu anyi ne, Bulelela, bubi buenu kabuena bujimishibua tô ne ku lufu luenu; Mukelenge Yehowa wa misumba udi wamba nunku.

Yeshaya 22:14 ပူးပေါင်းရင်းမြစ်များ

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Yeshaya 5:9

Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

1 Samuele 3:14

Nanku, ndi mumane kuditshipa bua bena nzubu wa Eli ne: nansha bobu bandambula nyama miosha, nansha bintu bia mu madimi, tshiena mua kupua bubi buabu muoyi to.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Yeshaya 30:13

Nanku bubi buenu abu nebuikale, bu mudi mutanta mu tshimana tshile. Mutanta udi wenda udiunda. Katupa kipi, tshimana tshidi tshiupuka,

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

1 Samuele 9:15

Kadi muladilu wa dituku adi, Maweja-Nangila uvua mumane kumanyisha Samuwele muvuabu ne bua kupetangana ne Shawule. Mmumuambile ne:

Yeshaya 31:2

Kadi Yeye mene ke udi mumanye tshia kuenza. Uvua mutumine bantu dikenga, bu muvuaye muambe. Uvua munyoke benji ba bibi bungi buabu, ne bonsu badi babambuluisha.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

Yeshaya 65:20

Kabakusangana kabidi muana mutekete ufua ne bidimu bikese, nansha mukulumpe udi kayi ukulakaja uboboka. Bualu wafua mutekete amu udi ufua pa mvula lukama. Wikale kayi mupete bidimu ebi, nebamutangile bu muntu muela mulawu.

2 Samuele 6:23

Mikale, muana wa Shawule, kavua mulele muana too ne ku lufu luende!

Amosa 8:7

Maweja-Nangila mmuditshipe ne: “Bena Izrayele badi baditambisha bua ditunga diabu, kadi kashidi tshiena mua kupua malu abu mabi muoyi.”