Yeshaya 2:20 - MUKANDA WA MYIDI MUKULU

²⁰ Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mu difuku adi bantu nebimashe mpingu yabo ya argent, ne mpingu yabo ya or, yakudifudilabo bua kuyitendelela, nebayimashe kudi bibulebule ne kudi tuhulukusu,

Yeshaya 2:20 ပူးပေါင်းရင်းမြစ်များ

Genese 35:4

Nanku bantu bonsu kumupesha mpingu yonsu ivua ileja mvidie ya bisamba bikuabu ivuabu nayi, kumupesha kabidi ne tukanu tua ku matshi tavuabu natu. Yakobe kubijika bionsu muinshi mua mutshi wa lusanga udi pabuipi ne tshimenga tshia Shekeme.

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 17:8

Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 31:7

Nudi bena tshibawu, bualu nudi badifudile mpingu ne tshiamu tshitoke tshia mushinga mukole, nansha ne mpawungi. Kadi dituku dikuabu, yonsu wa kunudi neimanshe mpingu idiye nayi.

Yeshaya 40:19

Ne lupingu anyi? Muena mudimu uvua mulusonge. Pashishe mufudi uvua mululamike mpawungi, kululengejaye ne nkanu ya tshiamu tshitoke tshia mushinga mukole.

Yeshaya 46:1

Mvidie Bele kena kabidi ne bukole to. Mvidie Nebo udi mufuane kudishinda. Nanku mpingu yabu badi bayiteka panyima pa nyama idi yambula majitu. Badi bayambula bu mudibu bambula majitu. Idi ne bujitu bunene, panyima pa nyama eyi ikadi mipungile.

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Yezekiyele 14:6

Ke paudi ne bua kumanyisha bena Izrayele ne: “Maweja-Nangila Mvidi Mukulu, udi unulomba ne: nudilengeje, nubenge mvidie yenu, nulekele malu enu onsu mabi.”

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 7:19

Nebimanshe tshiamu tshitoke tshia mushinga mukole mu misesu. Biamu biabu bia mpawungi nebabiele mu dyala, bishale bintu tshianana. Bualu tshiamu tshitoke tshia mushinga mukole, nansha tshiamu tshia mpawungi, kabiena mua kubasungidila, dituku didi Maweja-Nangila uleja tshiji tshiende. Kabiena bibapetesha tshiakudia, nansha tshintu tshikuabu tshidibu bajinga. Bualu tshiamu tshitoke tshia mushinga mukole, ne tshiamu tshia mpawungi, ke bivua bibafikisha ku bubi.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Lewitiki 11:19

kalama ngomba, kasongu mule, miena kasuba, nansha mudima.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Luke 23:30

Diba adi bantu nebambile mikuna minene ne: “Nutupukile!” Nebambile mikuna mikese ne: “Nutujibikile!”