Yeshaya 2:2 - MUKANDA WA MYIDI MUKULU

² Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Mukanda wa Nzambi Dihungila Dikulukulu ne Dihungila Dihia-dihia 2003

² Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Yeshaya 2:2 ပူးပေါင်းရင်းမြစ်များ

Genese 49:1

Yakobe kubikila bana bende bonsu, ubambila ne: — Semenayi pabuipi, unumanyishe malu adi mua kunuenzekela matuku adi kumpala aa.

Yobe 19:25

Kadi ndi mumanye bimpe ne ndi ne muntu udi ungakuila, pa buloba ebu, yeye neambe muaku wa ndekelu.

Misambu 102:23

padisangisha bantu popamue, padisangisha makalenga bua kutendelela Maweja-Nangila.

Misambu 2:8

Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Misambu 22:28

Bantu ba mu bisamba bionsu bia pa buloba, bavuluke Maweja-Nangila, bapingane kudiye! Matunga onsu amukukuile, adiele panshi kumpala kuende.

Misambu 48:2

Maweja-Nangila udi munene. Mbimpe tutumbishe Mvidi Mukulu wetu mu tshimenga tshiende, pa mukuna wende wa tshijila.

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Misambu 87:1

Musambu wa mu mukanda wa misambu wa bena Kora. Maweja-Nangila udi muibake Yerushalayime, pa mikuna ya tshijila.

Misambu 87:2

Udi munange tshimenga tshia Siyone, bipite dinanga dia minga miaba ya mu ditunga dia Yakobe.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 30:29

Kadi nuenu bena Yerushalayime, nenuimbe misambu, munudi nuenza bufuku matuku a tshibilu. Nenusanke amu bu bantu badi bela nshiba, benda batangila ku mukuna wa Maweja-Nangila, muaba udi Mvidi Mukulu wa Bukole bua bena Izrayele usomba.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yeshaya 56:7

nembabikidishe bua babande pa mukuna wanyi wa tshijila. Nembasankishe ne disanka dinene, mu nzubu wanyi wa kutendelela. Nenganyishe ne muoyi muimpe milambu mishilangane ikalabu bandambula pa tshilambuilu. Bualu nzubu wanyi, nebamuinyike ne: Muaba udi bantu ba mu matunga onsu batendelela.”

Yeshaya 60:3

Nenku bukua matunga nebuende butangila ku butoke buwakenkesha. Dinkenke dia butoke buebe nedikoke bakalenga kuudi.

Yeshaya 65:11

Kadi nuenu badi bengela nyima, badi bapua njila wa mukuna wanyi wa tshijila muoyi, nennuenzele tshinyi? Nuenu nudi nufila biakudia kudi mvidie Ngade, bua kupeta dikasa dimpe. Nudi nulambula mvidie wa Meni, maluvu mashilangane bua kuepuka dikasa dibi!

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 23:20

Maweja-Nangila kayi muanji kuenza bualu bujima budiye mupangadike, tshiji tshiende katshiena tshijika to. Tshikondu tshikuabu nenujingulule malu awu.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Yirmeya 30:24

Tshiji tshikole tshia Maweja-Nangila, katshiena tshijika, kayi muanji kuenza bionsu bivuaye muambe. Dituku dikuabu nenujingulule mudi Maweja-Nangila wenza nanku.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yirmeya 48:47

“Kadi dituku dikuabu, ditunga dia Mowabe nedipete kabidi diakalenga kundi. “Meme Maweja-Nangila ndi njadika bualu ebu.” Ke muvua Maweja-Nangila mukose tshilumbu tshia bena Mowabe nanku.

Yirmeya 49:39

“Maweja-Nangila udi wamba kabidi ne: Kadi dikuabu dituku, bena Elame nebapete kabidi diakalenga kundi.”

Yirmeya 51:44

Maweja-Nangila udi wamba ne: “Nennyoke Baale, mvidie wa bena Babilone. Nemmulukishe bintu bionsu bivuaye mumine. Bisamba bia bantu kabiena bifika kabidi kudiye bua kumulambula. Bimana bia tshimenga tshia Babilone nebiupuke panshi.

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.

Yezekiyele 40:2

Meme kumvua muvua Mvidi Mukulu ungambula, uya nanyi mu ditunga dia Izrayele. Uvua munteke mu katongobela ku mukuna mupite bule. Mu tshibandabanda tshia mukuna, luseke lua kuinshi kuatshi, muvua nzubu miasa mifuanangane ne tshimenga.

Danyele 10:14

Mpindiewu ndi mufike bua kukujinguluila malu adi ne bua kukuata bena tshisamba tshiebe mu matuku adi kumpala. Ke bualu bukuabu butshidi Mvidi Mukulu ukuleja bua matuku adi kumpala.’

Danyele 2:28

Kadi mu diulu mudi Mvidi Mukulu, udi umanyisha bantu malu masokome. Yeye ke udi mukumanyishe wewe mukalenga Nebukadnesare malu adi ne bua kuenzeka matuku atshidi kumpala. Kadi tshiuvua mulote ntshietshi.

Danyele 2:35

Nenku diakamue tshiamu tshifiike, dima, tshiamu tshikunze, tshiamu tshitoke tshia mushinga mukole, ne tshiamu tshia mpawungi, kusunsukabi, kuenza lupuishi ludi lupepele lupepula, mudi bisote bipepuka mu tshikondu tshidibu bapepula ntete. Lupepele kupepula bionsu, kaluyi lushiya kantu ka lupingu nansha kamue. Kadi dibue divua didikume ku lupingu adi kuenzadi mukuna munene, uvua muwuje buloba bujima.

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Zekâya 14:10

Ditunga dijima didi dinyunguluka Yerushalayime, nedishale mpata, biangatshile ku Ngeba ku mutu wa ditunga, too ne ku Rimone, kuinshi mu ditunga. Yerushalayime neikale ku mutu kua misoku idi mimunyunguluke. Tshimenga etshi netshituadije ku tshiibi tshia Binyamine, too ne ku tshiibi tshia ku Ditumba, ku muaba uvua tshiibi tshia kale, ne ku kaleya ka Ananeyele, too ne ku bikaminu bia nwinyo bia Mukalenga.

Zekâya 14:9

Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Zekâya 8:22

Bushuwa, bantu ba bungi, ne ba mu bisamba bidi ne bukole, nebalue mu Yerushalayime, nebantendelele, nebansengelele bua mbele lupemba.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Malaki 3:12

Bisamba bikuabu bionsu nebinuambe ne: nudi bena diakalenga, bualu nudi nusomba mu ditunga dimpe ditambe. Maweja-Nangila wa bukole buonsu, ndi njadika nanku.’ ”

Dibadika 24:14

Nanku, mpindiewu ndi mpingana kuetu. Kadi semena apa, nkumanyishe muakengeshabu bana benu kudi bena Izrayele matuku adi kumpala!

Bienzedi 2:17

“Mvidi Mukulu udi wamba ne: matuku a nshikidilu, nentumine muntu yonsu Mueyelu wanyi. Bana benu ba balume ne ba bakaji nebambe malu anyi. Nendeje bansonga benu malu. Banunu benu nebalote ndota.

2 Timote 3:1

Uvuluke bimpe ne: mu matuku a nshikidilu nemuikale dikenga dikole.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.