Yeshaya 2:18 - MUKANDA WA MYIDI MUKULU

¹⁸ Mvidie yonsu ya dishima neijimine.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mpingu yonso neyijimine tshiendelele.

Yeshaya 2:18 ပူးပေါင်းရင်းမြစ်များ

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 21:9

Wamanya! Ke muntu awu ufika, mubande mu ditempu dikoka kudi tubalu. Udi wela lubila ne: ‘Mbakuate tshimenga tshia Babilone. Mbatshikuate! Mpingu ya mvidie yende mbayitonkole panshi, mmitshibuke bitupa bitupa!’ ”

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 46:1

Mvidie Bele kena kabidi ne bukole to. Mvidie Nebo udi mufuane kudishinda. Nanku mpingu yabu badi bayiteka panyima pa nyama idi yambula majitu. Badi bayambula bu mudibu bambula majitu. Idi ne bujitu bunene, panyima pa nyama eyi ikadi mipungile.

Yirmeya 10:11

Nuambile bena Izrayele ne: mvidie eyi yonsu, idi kayiyi mifiike nansha diulu nansha buloba, neyijimine pa buloba. Kayena ne muaba kabidi muinshi mua diulu to.

Yirmeya 51:18

Bintu abi bidi bisekesha bantu. Maweja-Nangila neabimanshe bionsu. Pafikaye bua kukosa nsambu.

Yezekiyele 30:13

“Meme Maweja-Nangila ndi njadika ne: Nembutule mpingu ne mvidie ya dishima ya mu tshimenga tshia Memfise. Kamuakuikala kabidi muntu udi ulombola Ejipitu. Nenkuatshishe bena ditunga bonsu bowa.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 37:23

Kanuena nudinyanga kabidi pa kutendelela mvidie mikuabu ya manyanu, pa kuenza malu mabi a mishindu yonsu. Nennusungidile bua nulekele mibi yonsu ivua inupetesha tshibawu kundi. Nennumushe mikiya. Nenuikale bantu banyi, meme nengikale Mvidi Mukulu wenu.

Yezekiyele 6:6

Miaba yonsu inudi nusomba, nebabutule bimenga bienu. Miaba yenu ya kutendelela neyishale munda mutupu. Bilambuilu bienu nebinyanguke, bishale bintu bia tshianana. Nebazaze mpingu yenu, bayumbushe. Nebanyange mbabula yenu ya kuoshila manananshi. Bintu bionsu binudi benze nebijimine.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Mika 1:7

Mpingu yende yonsu nebayishimbule. Neboshe bintu bia disanka bivuaye mupete. Nentshibule mpingu ya mvidie yende yonsu bitupa, bualu uvua musumbe bintu ebi bionsu, ne makuta avuabu bamufuta mu buendenda. Bionsu abi nebabiangate, bua kufuta bena buendenda bakuabu.”

Mika 5:13

Nentule makunji enu a kutendelela nawu mvidie. Nembutule bimenga bienu.

Sefanya 1:3

Nenshipe bantu, nyama, nyunyi ne mishipa. Nembutule bantu babi, ne bionsu bidi bibalenduisha. Tshiena nshiya muntu nansha umue ne muoyi pa buloba.”

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.