Yeshaya 2:12 - MUKANDA WA MYIDI MUKULU

¹² Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua Yehowa wa misumba udi ne dituku didiye ulumbuluisha bifukibua bionso bidi biditumbisha ne bidi bidisue, ne tshifukibua tshionso tshidi tshidibandisha; nebihuekeshibue,

Yeshaya 2:12 ပူးပေါင်းရင်းမြစ်များ

2 Samuele 22:28

Udi wambuluisha tshisamba tshidibu bafuisha bundu, upepeja badi baditambisha.

Yobe 24:1

Mvidi Mukulu wa bukole buonsu, kena mutufundile matuku adiye ulumbuluisha bantu bua tshinyi? Diba adi, bantu badi bamulamate, badi mua kumona mudiye ukosa nsambu amu pa yoyi.

Misambu 131:1

Musambu wa bena ngendu udi mu mukanda wa misambu ya Davide. Maweja-Nangila, tshiena ne ditambisha, mesu anyi ki nga muena ditambisha. Tshiena nkeba butumbi, nansha malu adi mampite.

Misambu 18:28

Udi usungidila badi badipuekesha, upetula badi baditambisha.

Misambu 37:13

Kadi Maweja-Nangila udi useka muntu awu, bualu mmumanye ne: dituku dia kumunyoka nedifike!

Misambu 94:2

Mulumbuluishi wa bantu, juka umonangane ne bena kapeja, ubapingajile bubi buvuabu benze.

Nsumuinu 16:5

Maweja-Nangila udi udiwula bantu badi baditambisha. Bushuwa neabanyoke kamuyi mpata.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 10:33

Mfumu wa bamfumu, Maweja-Nangila muena bukole buonsu, udi ubabunda bu mudibu bakosa matamba a mutshi ne muele mutue. Nebakose mitshi milemile; idi mitumbuke nebayupule, bayele panshi.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 13:9

Monayi dituku dia Maweja-Nangila dikadi pabuipi, dituku kadiyi tuseku, dia tshiji, dia tshinyangu ne tshikisu. Maweja-Nangila neandamune ditunga dijima, dishale amu tshipela. Bena buenzavi nebabutuke bonsu.

Yeshaya 14:15

Kadi mpindiewu, mbakuele mu bajangi, mu kandondu ka buloba.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yeshaya 24:4

“Buloba budi mu madilu, budi bubutuka. Bukua bintu budi buenda bujimina, bubutuka. Diulu kabidi didi dienda dinyanguka, tshiapamue ne buloba.”

Yeshaya 40:23

Maweja-Nangila udi upuekesha balombodi ba matunga, bashale bantu ba patupu. Udi uleja badi ne bumfumu, mudibu bantu ba patupu.

Yeshaya 42:15

Nembutule mikuna minene ne mikese, nengumishe bisosa ne mitshi bidipu. Nengumishe misulu, ishale tshipela. Majiba a mayi neakame.

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yirmeya 12:9

Bantu banyi bakadi bu nyunyi muimpe, udibu bela munkatshi nseke yonsu kudi nyunyi midianganyi anyi? “Bikila nyama yonsu ya muitu! Ifike ku didia dinene!”

Yirmeya 13:9

“Meme Maweja-Nangila ndi ngamba ne: Ke mundi nnyanga lumu lua bena Yuda, ne lua bena Yerushalayime ludibu baditambisha nalu.

Yirmeya 30:7

Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yirmeya 50:31

Maweja-Nangila wa bukole buonsu udi wamba ne: Ndi nkuluisha wewe ditunga dia Babilone, bualu udi uditambisha. Dituku dia kukunyoka ndimane kufika!

Yezekiyele 13:5

Kabena baye kulongolola miaba ya ku bimana bia tshimenga ivua minyanguke. Kabena bibake tshimana bua kupeta muaba wa kunyemena mvita dituku didi Maweja-Nangila ufika munda.

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Mika 2:3

Ke padi Maweja-Nangila wamba ne: “Ndi nnulongoluela dikenga dinene. Kanuena mua kudipanduka, kanuena mua kuditambisha kabidi, bualu diba dia dikenga dikadi difika.”

Mika 5:11

Nengumbushe malu anudi nuenza a majimbu, kanuakuikala kabidi ne muntu udi ukeba kunujinguluila malu adi kumpala, pa ngendu ya mitotu ne bia mulu muamua.

Sefanya 1:16

Dituku adi nebumvue bena mvita bela mpungi, bela mbila ya mvita, bua kuluisha bimenga bivuabu bakoleshe ne bimana, bua kushimbula tuleya tuabi tunene.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Matayi 23:12

Wadibandisha, nebamupuekeshe; wadipuekesha, nebamubandishe.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

1 Korente 5:5

Nanku tufile muntu awu kudi diabolu bua kubutula mubidi wende, kadi bua kusungidila mueyelu wende dituku dia Mfumu.

1 Tesalonike 5:2

Bualu nudi bamanye ne: dituku dia Mfumu nedifike, mudi muivi ufika butuku.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”