Yeshaya 18:4 - MUKANDA WA MYIDI MUKULU

⁴ Bualu Maweja-Nangila uvua mungambile ne: “Ndi nsomba muaba wanyi wa tshijila ntangila bionsu bidi bienzeka. Ndi nshala amu talalaa, tshiyi nyungakana, amu bu luya ludi luimane diba dia munya mukole, nansha bu mavuba a mabungi, mu tshikondu tshia dinowa.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua Yehowa wakungambila dî edi ne, Nentangile malu talalâ bandi mu muaba undi mushikame, bu luya ludi lubanda mu munya, lukenka bikole; bu ditutu dia dibungi mu luya lua mu tshikondo tshia kunowa.

Yeshaya 18:4 ပူးပေါင်းရင်းမြစ်များ

2 Samuele 23:4

udi bu diba didi dipatuka, dikenka mu dinda, kamuyi mavuba. Mvula mumane kukamuka, munya mutema, bintu kutoloka pa buloba.”

2 Kulondolola 6:21

Teleja mundi nkusengelela, ne mudi bantu bebe bena Izrayele bakusengelela, batangile ku nzubu ewu. Nanku Maweja-Nangila, mu diulu muudi musombe, ututeleje, ujimije mibi yetu.

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Yeshaya 18:7

Ke tshikondu tshidibu batuadila Maweja-Nangila wa bukole buonsu milambu kudi bantu aba bale ba kafyondu, badi mibidi yengelela, kudi tshisamba tshidi bantu bakakala, kunu too ne ku ndekelu kua buloba, kudi ditunga didi ne bukole bupite, didi dibutula baluishi badi, kudi ditunga didi ne misulu mivule. Milambu eyi, nebayituadile Maweja-Nangila wa bukole buonsu, muaba udiye musombele, pa mukuna wa Siyone.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Osheya 14:5

— Maweja-Nangila udi wamba ne: Meme nendongolole bena Izrayele, bua bangitabe tshiakabidi. Ki mbikole bua meme kubaleja dinanga dianyi to. Nkadi mumane kubafuila luse, tshiena nabu kabidi ne tshiji.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.