Yeshaya 17:8 - MUKANDA WA MYIDI MUKULU

⁸ Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kabena batangila ku bioshelu, bintu bidi bianza biabo bienza, kabena banemeka bintu bidi minu yabo mienze, nansha bikalabi mitshi ya Bashela, nansha bikalabi mpingu ya kutendelela nʼai diba.

Yeshaya 17:8 ပူးပေါင်းရင်းမြစ်များ

2 Samuele 22:42

Nansha bobu bakenzakane udi mua kubambuluisha, badi batangila bapanga. Badi basengelela Maweja-Nangila, kadi kena wandamuna.

2 Kulondolola 14:5

Muntu nansha umue kavua mumuluishe mvita mu bidimu abi to. Bualu Maweja-Nangila nkayende uvua mumulame ne ditalala. Matuku avua ditunga mu ditalala, Asa kukolesha bimenga bivule bia bena Yuda ne bimana.

2 Kulondolola 31:1

Tshibilu tshimane kujika, bena Izrayele bonsu bavua muaba awu, kuya mu bimenga bia bena Yuda. Kubumbulabu mabue avua bantu bimanyike, kupulabu makunji a kutendelela mvidie, kunyangabu miaba ya kutendelela mvidie, ne bilambuilu biayi. Bena Izrayele bavua benza nanku mu bukalenga buonsu bua bena Yuda, mu tshisamba tshia bena Binyamine, tshia bena Efrayime ne tshia bena Menashe. Pashishe, muena Izrayele yonsu kupingana ku nzubu kuende mu tshimenga tshiende.

2 Kulondolola 34:4

Kupulabu bilambuilu bionsu bia mvidie Baale, Yoshiya mutangile. Kutshibulabu musangu umue mbabula ya kuosha manananshi ivuabu bimanyike pa bilambuilu abi. Kupulabu makunji a kutendelela mvidie, kunyangakajabu mpingu ya mishindu mishilangane. Kuoshabu bionsu abi kubutula. Butu buabi kubutangalajabu muaba uvua nkita ya bantu bavua batendelela mvidie ya tshianana ayi.

Ekesode 34:13

Nanku, nupule bilambuilu biabu, nupule makunji abu adibu batendelela.

Yeshaya 1:29

Eyowa, nenuikale ne bundu, bualu nuvua basue kusangila muinshi mua mitshi, bua kutendelela mvidie. Nenufue bundu, bualu nuvua basungule mpangu eyi, bua kuenzelamu malu enu mabi.

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 17:9

Dituku adi, bimenga bia mu Izrayele bivuabu bakoleshe ne bimana nebishale munda mutupu, bu muvua bimenga bia bena Ivi ne bena Amore bishale munda mutupu kale, diba divua bena Izrayele babuele mu ditunga. Nebishale amu tshipela tshidi tshikuatshisha bowa.

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Yeshaya 41:29

Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Yeshaya 44:15

Mutshi ewu udi wambuluisha bantu, bua kutemeshabu nawu kapia. Nkunyi yawu badi bayota kapia, balamba nayi biakudia, benza nayi mvidie, udibu batuila mpala panshi. Badi benza nayi lupingu, ludibu batendelela.

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Sefanya 1:3

Nenshipe bantu, nyama, nyunyi ne mishipa. Nembutule bantu babi, ne bionsu bidi bibalenduisha. Tshiena nshiya muntu nansha umue ne muoyi pa buloba.”

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.