Yeshaya 17:4 - MUKANDA WA MYIDI MUKULU

⁴ Dituku adi, bena Izrayele, nebikale banyane, bashale amu mifuba nkayayi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu dituku adi butumbi bua Yakoba nebutekeshibue, ne mafuta a mubidi wandi nealue tshinyanu.

Yeshaya 17:4 ပူးပေါင်းရင်းမြစ်များ

Genese 41:3

Kumonaye kabidi ngombe mikuabu muanda mutekete minyane ipatuka mu musulu awu, imana muaba uvua ngombe ya mubidi muimpe.

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

Yeshaya 10:16

Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 17:3

Bukalenga bua Efrayime kabuakuikala kabidi ne bena mvita. Bena Damase kabakuikala kabidi ne mukalenga to. Bantu badi bashala ne muoyi mu Damase, nebikale bakese, mudi bena Izrayele mene. Maweja-Nangila muena bukole buonsu, ke udi ujadika nanku awu.

Yeshaya 24:13

Eyowa, pa buloba bujima, miaba yonsu idi bantu basomba, kakuena tshia nsongu tshidi tshishalepu to. Bidi bu mudi mitshi ya olive, bantu bamane kupola tumuma tuonsu, nansha bu mionji ya mvinyo, bantu bakebamu tumuma tua ndekelu tuvua tushale.

Yeshaya 24:16

Tudi tunwua musambu ewu, udibu bimba ne ku ndekelu kua buloba, bamba ne: “Mvidi Mukulu udi ukosa nsambu pa yoyi, atumbe!” Kadi meme kuamba ne: “Tshingenza ntshinyi? Mioyi mminshikile munda. Dikenga ndimane kunkuata.” Benzedianganyi ba bibi badi amu benzelangana bibi, badi baditua amu mu dielangana bifufu.

Yeshaya 9:8

Bantu bonsu badi mu buloba bua Efrayime, ne badi basomba mu tshimenga tshia Samariya, mbamanye bualu ebu. Kadi badi amu baditambisha, bamba ne:

Yezekiyele 34:20

Ke pandi meme Maweja-Nangila nnuambila ne: ndi ndumbuluisha mikoku yanyi, nkosa tshilumbu tshia idi minyane ne idi ne manyi.

Amosa 3:12

Maweja-Nangila udi wamba ne: Padi nyama wa ntambue mukuate mukoku, mulami wawu udi mua kudipula amu mifuba ibidi, nansha katupa ka ditshi. Ke bidi ne bua kuenzekela bena Izrayele badi basomba mu Samariya, banangidila mu nkuasa milengeja bimpe, ne mu misamu ya bulalu: nebasungile amu “katupa” ka kudibu.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.