Yeshaya 17:14 - MUKANDA WA MYIDI MUKULU

¹⁴ Dilolu bidi bitukuatshisha bowa bukole, kadi bangabanga ne kutshiabu, mbimane kuya! Ebi nebienzekele bantu badi batupawula bintu. Ebi nebienzekele bantu badi biba bintu bia mu ditunga dietu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Habuela diba, monai, buowa bukole budiku! Dinda kadiyi dianji kulua, kabenaku! Edi ndikenga didi bantu badi batuhaula bahiana, ne bualu bubi buakusunguilabo badi banyenga bintu bietu.

Yeshaya 17:14 ပူးပေါင်းရင်းမြစ်များ

2 Bakalenga 19:3

Kuyabu kuambila muambi Yeshaya ne: “Mukalenga Izkiya udi wamba ne: Lelu ndituku dia kutukengeshabu, kutunyoka, ne kubifuisha bundu. Bu mudibu bamba ne: muana ukadi pabuipi, kadi mamuende kena ne bukole bua kulela to.

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

Yobe 20:29

Ke dikenga ne dinyoka, didi Mvidi Mukulu ulongoluela bantu babi.

Misambu 37:36

Matuku apita, meme kupitshila tshiakabidi muaba awu, tshiyi mumone muntu. Meme kumukeba, nansha kumusangana to.

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.

Yeshaya 10:25

Bualu panenga tshitupa, tshiji tshimvua natshi bualu buenu netshituye. Nenkudimukile bena Ashure bua meme kubanyoka.”

Yeshaya 21:12

Kadi mutentekedi kuandamuna ne: “Bufuku bukadi pa kutshia, kadi tutshidi amu bufuku. Panudi basue kupeta diandamuna, pinganayi musangu mukuabu.”

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Yeshaya 29:7

Bena matunga a bende, bavua bakuluisha wewe Ariyele, bavua bakubunda, bavua bakunyungulula ne mushiki wa buloba, bavua bakukengesha, nebajimine bonsu bu mudi tshilota, bu mudi bualu butudi tumona bufuku.

Yeshaya 30:28

Mueyelu wende udi ne bukole bu bua muenji wa musulu. Udi ufika bua kukengesha bantu, kubapepula, kubimansha bu bisota, kubela nkanu ku mbanga, bua kuya nabu kudibu kabayi basue.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yeshaya 33:18

Neuvuluke bowa buuvua nabu kale. Neukonke ne: “Bantu benyi bavua babala bajadika bungi bua milambu, ituvua bafile, badi penyi? Bavua bakenketa bimenga bietu, bituvua bakoleshe ne bimana, bepi?”

Yeshaya 34:17

Maweja-Nangila uvua mutshinke, tshitupa tshia ditunga, tshidi yonsu wa kudiyi mua kupeta. Uvua muangate muonji, bua kupima ditunga, kudiabanyina nyama ayi. Nedishale diayi kashidi, neisombemu tshiendelele.

Yeshaya 41:12

Neukebe bantu bonsu, bavua bakuluisha, kuyi ubamona. Bonsu bavua baluangana nebe, nebajimine.

Yirmeya 13:25

Maweja-Nangila udi wamba ne: Yerushalayime, ke mudibu ne bua kukuenzela wewe kabidi. Bualu udi mundekele, mudifile kudi mvidie ya patupu. Teleja mundi musue kukunyoka.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Yirmeya 49:10

Nuenu ndelanganyi ya Esawu, meme Maweja-Nangila nennufile mu bianza bia baluishi benu. Nembaleje muaba unudi kanuyi mua kusokoma kabidi to. Tshisamba tshienu ntshibutuke. Muena mutumba nansha umue kena mua kuamba ne:

Yezekiyele 39:10

Bantu kabakuya kukeba nkunyi mu mpata, nansha kabakukosa mitshi muitu to. Nebatemeshe kapia ne nkunyi ya mu bia mvita ebi. Nebibe pabu, nebanyangakaje bintu bia bantu bavua bibe biabu. Meme Maweja-Nangila Mvidi Mukulu ndi njadika nanku.

Zekâya 2:12

Maweja-Nangila wa bukole buonsu, udi muntume bua kunuambila malu, udi wamba bua bisamba bivua binupawule ne: “Muntu udi unuluisha, udi untua munu mu disu.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.