Yeshaya 17:10 - MUKANDA WA MYIDI MUKULU

¹⁰ Bena Izrayele nukadi bapue Mvidi Mukulu muoyi. Yeye ke uvua munusungidile! Kanuena nuvuluka Mupandishi wenu, udi bu lubuebue luenu, muaba unudi mua kusokomena. Nukadi nukuna mitshi, bua kutendelela nayi mvidie ya bantu benyi. Nudi numiamina ntete, bua kunemeka nayi mvidie ya mu matunga a bende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yeshaya 17:10 ပူးပေါင်းရင်းမြစ်များ

1 Kulondolola 16:35

Muelayi mbila, nuambe ne: “Mvidi Mukulu Mupandishi wetu, umpandishe, umpatule mu matunga a bende, musangishe muaba umue. Nenku, netukutumbishe. Netukutumbishe tutela dina diebe dia tshijila. Netukusamune tuleja musangelu.”

Misambu 106:13

Kupuabu malu avuaye muenze muoyi lukasa, kubenga kuindila bua enze malu avuaye mupangadike.

Misambu 106:21

Kubengabu kuvuluka Mvidi Mukulu musungidi wabu, uvua mubenzele malu manene mu Ejipitu,

Misambu 18:2

Maweja-Nangila, ndi mukunange, Wewe udi bukole buanyi.

Misambu 31:2

Maweja-Nangila, ndi nsokoma kuudi. Unsungidile, kumfuishi bundu, bualu ke tshiuvua mulaye.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Misambu 85:4

Udi mulekele tshiji tshiebe, kuena musue kubafikila munda.

Misambu 9:17

Maweja-Nangila mmudileje mudiye, mmukose nsambu pa yoyi. Muntu mubi mmudikuatshishe mu bukondu buvuaye muele.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 17:9

Dituku adi, bimenga bia mu Izrayele bivuabu bakoleshe ne bimana nebishale munda mutupu, bu muvua bimenga bia bena Ivi ne bena Amore bishale munda mutupu kale, diba divua bena Izrayele babuele mu ditunga. Nebishale amu tshipela tshidi tshikuatshisha bowa.

Yeshaya 18:5

Nenku kumpala kua tshikondu tshia kunowa, padi mionji ya mvinyo mimane kuela bilongu, bilongu bimane kuandamuka bimuma, bimuma bimane kupia, yeye neapempe matamba ne muele, neumbushe ntonga ne mabeji.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yeshaya 26:4

Tekayi muoyi wenu matuku onsu kudi Maweja-Nangila, bualu yeye udi Mvidi Mukulu wetu. Yeye neatukube kashidi.

Yeshaya 30:29

Kadi nuenu bena Yerushalayime, nenuimbe misambu, munudi nuenza bufuku matuku a tshibilu. Nenusanke amu bu bantu badi bela nshiba, benda batangila ku mukuna wa Maweja-Nangila, muaba udi Mvidi Mukulu wa Bukole bua bena Izrayele usomba.

Yeshaya 33:2

Maweja-Nangila, utunwuile luse. Tudi tukutekemena, tukuindila. Dinda dionsu, utukoleshe. Diba dia dikenga, utusungidile.

Yeshaya 44:8

Nuenu bantu banyi, kanutshinyi, kanuikadi ne bowa. Nkadi mumane kunumanyisha kale, nkadi mumane kunusokoluela, malu adi ne bua kuenzeka. Ke bualu bunudi bamanye bimpe. Ke bualu bunudi mua kujadika nuenu mene. Kudi Mvidi Mukulu mukuabu anyi? Too, kakuena Dibue dikuabu. Meme tshiena mumanye nansha dimue.”

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yirmeya 12:13

Nuenu kumiamina ntete ya kuenza bukula, kadi nudi nunowa amu meba ne mingonga. Nuvua batate bikole, kadi kanuakupeta nansha kantu. Nudi nufua bundu, nuzakala! Binuvua mua kunowa bidi binyanguke, bua tshiji tshikole tshimvua natshi.

Yirmeya 17:13

Maweja-Nangila, bena Izrayele badi bakutekemena amu wewe. Nanku badi bakubenga, bundu buasangana kubakuata anyi? Buabakuata! Bonsu badi bakubenga wewe, mbajimine bu mena adibu bafunde mu lupuishi. Bualu mbumuke kuudi wewe, Maweja-Nangila mpokolu wa muoyi.

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Yirmeya 3:21

Meyi adi umvuika pa mikuna. Bena Izrayele ke badi badila, batendakana. Bualu bavua bambenge, bapambuke mu njila. Bavua bampue muoyi, meme Maweja-Nangila Mvidi Mukulu wabu.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 23:35

Ndi ngamba ne: bu muudi mumpue muoyi, mumbenge, nenkunyoke bua tshiendenda ne bua buenzavi buebe.”

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Yowele 1:17

Maminu mmumine mu mabuwa a buloba. Mu mayeba mudi mushale mutupu, nzubu ya kulamina biakudia mmiupuke, ntete yonsu mmijike.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Sefanya 1:13

Kadi nebapawule bubanji buabu, nebupule nzubu yabu. Nebibake nzubu, kadi kabena balalamu. Nebakune mionji ya nwinyo, kadi kabena banua maluvu ayi.”

Dielulula 28:30

Pikala muena Izrayele mubangile mukaji, nebabuelele mukaji awu mu nzubu kudi muntu mukuabu. Muntu muase nzubu, kakulalamu to. Yeye mukune mitshi ya mvinyo, kakupola tumuma tuende tua tshianyi nansha musangu umue.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Dielulula 6:12

Diba adi, mwuluke Maweja-Nangila, Mvidi Mukulu wenu, uvua munupatule mu Ejipitu mumwuamu bupika. Kanuena mua kumupua muoyi to.

Dielulula 8:11

Nuvuluke Maweja-Nangila Mvidi Mukulu wenu, nukumbaje meyi ne mikenji biende, bindi nnuambila lelu ebi.

Dielulula 8:14

kanuditambishi to. Nuvuluke Maweja-Nangila Mvidi Mukulu wenu, uvua munupatule ku bupika mu Ejipitu.

Dielulula 8:19

Nanku ndi nnuvuluija lelu ne: panudi nutendelela mvidie mikuabu, nuyenzela mudimu, kanuyi nuvuluka Maweja-Nangila, nenubutuke bonsu.