Yeshaya 17:1 - MUKANDA WA MYIDI MUKULU

¹ Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia tshijila bualu bua Damaseke. Yehowa wa misumba udi wamba ne, Monai, badi bumusha Damaseke mu muaba wandi wa butumbi bua kikadi musoko munene, neikale tshikulu tshia nsubu mifue.

Yeshaya 17:1 ပူးပေါင်းရင်းမြစ်များ

Genese 14:15

Bafika ku Dane, Abrame kuabanya bantu bende mu bisumbu. Kuluanganabu ne baluishi babu butuku, kubapita bukole. Kubipatabu too ne ku Oba, luseke lua ku mutu kua Damase.

Genese 15:2

Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

1 Bakalenga 11:24

Tshikondu tshivua Davide mushipe bena mvita ba Adadezere. Rezone uvua musangishe bena mvita, ubalombola. Kuyaye nabu, kusomba ku Damase, kuangataye bukalenga muaba awu.

2 Bakalenga 16:9

Mukalenga wa bena Ashure kukumbaja bionsu bivua Akaze mulombe. Kuyaye kuluisha tshimenga tshia Damase, kutshikuata, kuya ne benatshi mu bupika ku Kire. Kadi, kushipeshaye Reshine, mukalenga wa bena Arame.

1 Kulondolola 18:5

Pashishe bena Arame ba mu Damase, kuvua kuambuluisha Adadezere mu mvita. Kadi Davide kubatshimuna kabidi, kushipa bantu ba kudibu binunu makumi abidi ne bibidi.

2 Kulondolola 28:23

Uvua ulambula mvidie ya mu Damase milambu. Mvidie ayi, keivua mimupangishe mua kutshimuna baluishi. Uvua wamba ne: “Mvidie ya bena Arame ke idi miambuluishe bakalenga ba bena Arame. Nanku, ndi musue kulambula mvidie ayi milambu bua imone mua kungambuluisha meme kabidi.” Kadi mvidie ayi, keivua mimukebele, yeye ne bantu bende, kabutu.

2 Kulondolola 28:5

Maweja-Nangila Mvidi Mukulu wende, kufila Akaze mu bianza bia mukalenga wa bena Arame. Bena Arame kumuluisha, kukuata bantu ba bungi mu lukanu, kuya nabu mu tshimenga tshia Damase. Akaze uvua mubuele kabidi mu bianza bia Peka, mukalenga wa bena Izrayele, muana wa Remaliya. Awu kumutshimuna, kumukengesha bikole.

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 15:1

Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yeshaya 37:26

“Kadi wewe Senakeribe, kuena mumanye bualu ebu anyi? Meme ke udi mulongolole malu aa kumpala kua bidimu! Ku kale kuaka, nkavua mujadike bua kuenza malu andi nkumbaja mpindiewu. Meme ke uvua mukupeshe bukole bua kubutula bimenga bivuabu bakoleshe ne bimana.

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yeshaya 8:4

Bualu muana ewu kayi muanji kumanya mua kubikila “Tatu,” nansha “Mamu,” nebatuadile mukalenga wa bena Ashure bintu bisuabu bapawule mu Damase, ne bisuabu biibe mu Samariya.

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Mika 1:6

Maweja-Nangila udi wamba ne: “Bua malu aa, nengandamune Samariya, ashale dikolu, muaba udibu bakuna mionji ya mvinyo. Nembunguluje mabue ende, aye muinshi mua lupongu. Nemmueneshe bitaku biende patoke.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Zekâya 9:1

Maweja-Nangila mmutume mukenji. Diyi diende ndifike mu ditunga dia Adrake, ndishikidile mu tshimenga tshia Damase. Bualu Maweja-Nangila kena umona amu meku a bena Izrayele, kadi udi utangila bantu bonsu.

Bienzedi 9:2

umulomba mikanda bua kuyaye kudileja nayi mu nzubu ya kutendelela ya bena Yuda ya mu tshimenga tshia Damase. Ne mikanda ayi, yeye musangane bantu, balume nansha bakaji, badi balonda Njila wa Mfumu, uvua mua kubakuata, kuya nabu ku Yerushalayime.

Dielulula 13:16

nushipe bantu bonsu ba mu tshimenga atshi ne bimuna biabu. Pashishe nubutule tshimenga atshi tshijima, kabidi ne bionsu bidimu.