Yeshaya 16:4 - MUKANDA WA MYIDI MUKULU

⁴ Anyishayi bua bana betu, bavuabu bipata mu buloba bua Mowabe, basombe mu buloba buenu. Nubasokoke ku mesu a mushipianganyi. Diba nedifike didibu kabayi kabidi bakengesha bantu, kabayi babuela mu ditunga ne mvita, kabayi kabidi biba bintu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Itabusha bua bantu bakihatabo mu Moaba bashikame nʼebe; wikale kudibo bu tshibuikilu tshidi tshibasokoka ku mesu kua mushihianganyi. Hafika munyengi wa bintu ku ndekelu kuandi, halekela muhaudi wa bintu kuhaula, halua badiatshi ba bantu kujimina mu buloba kabidi;

Yeshaya 16:4 ပူးပေါင်းရင်းမြစ်များ

Yeshaya 14:4

Diba adi nebimbe musambu wa kuseka nawu mukalenga wa bena Babilone, bambe ne: Kia! Ebi mbienzeke munyi? Mfumu wa tshikisu mmufue bishi? Kakukengesha kabidi muntu nansha umue.

Yeshaya 15:6

Mayi a ku Nimrime mmanyanguke, mitshi yonsu idi miume; mashinda mmafube. Kakuena kabidi tshisosa tshibishi.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yeshaya 49:26

Nengenzele ku bukole bua badi bakukengesha, bashipangane nkayabu. Nebanue, bakuatshike mashi abu, mudibu bakuatshika maluvu a mvinyo mupiamupia. Nenku bantu bonsu nebamanye ne: Ke meme Maweja-Nangila, mupandishi webe. Ndi mudiangatshile tshilumbu tshiebe ne manza abidi. Meme Mvidi Mukulu tshilobu tshia Yakobe.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 40:11

Bena Yuda bavua ku bena Mowabe, ku bena Amone, ku bena Edome, nansha bavua mu ditunga dikuabu, bavua bumvua pabu bonsu ne: mukalenga wabena Babilone mmushiye bantu mu bukalenga bua Yuda, mmubateke mu bianza bia Ngedaliya.

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yirmeya 48:8

Muena tshinyangu neapitshile ku tshimenga ne ku tshimenga, bua kubinyangakaja bionsu. Nansha bidi mu tshibandabanda, nansha bidi mu mpata nebinyanguke. Ke mudi Maweja-Nangila muambe nanku.

Obadya 1:14

Dituku edi dia dikenga, kanuvua mua kujika masangu a njila, kualamina bavua banyema, kubashipa, kukuata bakuabu, kubafila kudi baluishi.

Zekâya 10:5

Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

Zekâya 9:8

Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Rome 16:20

Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!

Dielulula 24:14

Pikala muena mudimu mupela nansha muena dikenga, nansha yeye muanenu nansha muenyi udi musombe mu tshimenga tshia mu ditunga dienu, kanumutatshishi to.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.