Yeshaya 15:5 - MUKANDA WA MYIDI MUKULU

⁵ Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mutshima wanyi udi udidila Moaba bikole; bihatshibue babo badi banyema tô ne ku Soâ, ku Egelata-shelishiya. Bualu bua badi babanda mu nshila udi uyila ku Luhita, bendela badila; ne mu nshila udi uyila ku Holonayima badi babandisha mei abo ne, Tuakubutuka;

Yeshaya 15:5 ပူးပေါင်းရင်းမြစ်များ

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 14:2

kuluishabu bakalenga bakuabu batanu: ke Bera, mukalenga wa bena Sodome, Birsha, mukalenga wa bena Ngomore, Shinabe, mukalenga wa bena Adma, Shemebere, mukalenga wa bena Siboyime ne mukalenga wa bena Bela (badibu babikila ne bena Soware).

Genese 19:22

Kadi nyema, kolesha ubutame mu kasoku aka. Tshiena mua kuenza bualu, wewe kuyi muanji kufikamu. (Ke padibu binyika kasoku aka ne: Soware.)

2 Samuele 15:23

Bena mvita bavua anu benda kumpala kua mukalenga Davide. Bena ditunga kudila miadi bikole, kuela mbila. Mukalenga Davide ne bantu bende, kusabuka musulu wa Sedrone, balonda njila wa ku tshipela.

2 Samuele 15:30

Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

Yeshaya 16:14

Lelu Maweja-Nangila udi wamba ne: “Papita bidimu bisatu, amu dituku dia lelu, nebaseke bena Mowabe bonsu, ne bilobu biabu mene. Bantu babu badi bashala ne muoyi, nebikale bakese kabayi ne bukole.”

Yeshaya 22:5

Bualu lelu, Maweja-Nangila, Mvidi Mukulu muena bukole buonsu, mmututshiompakaje.” Mbalutshimune, tuetu kutangalaka mu tshibandabanda, muaba udi Mvidi Mukulu uleja malu, kudila muadi mukole.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 4:20

Badi bamanyisha kabutu pa kabutu. Badi banyangakaja ditunga dijima. Nzubu yetu ya ntenta badi bayishimbula, bapanda bilamba biayi diakamue.

Yirmeya 48:3

Bena mu tshimenga tshia Oronayime nebalombe diambuluisha, bela miyenga ne: “Badi batubutula! Badi banyanga bantu!”

Yirmeya 48:5

Bantu badi bashale ne muoyi nebabande ku mukuna wa Lukite, badila. Badi bapueka ku tshimenga tshia Oronayime, nebele mbila ya dikenga ne:

Yirmeya 50:46

Padibu bela mbila ne: “Baluishi mbakuate Babilone,” buloba nebuzakale, miadi ya bena Babilone neyumvuike mu bisamba bionsu.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.