Yeshaya 13:11 - MUKANDA WA MYIDI MUKULU

¹¹ Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 13:11 ပူးပေါင်းရင်းမြစ်များ

Yobe 40:12

Ujoje bena ditambisha bonsu, ubazaze muaba udibu, uboze bena malu mabi.

Nsumuinu 11:31

Muntu muakane neapete difutu diende pa buloba. Kadi mimanye ne: muena lonji ne muenji wa bibi, nebapete difutu dibakumbanyine.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 14:21

Bana ba balume ba mfumu awu badi ne bua kufua, bafuta tshibawu tshia tatuabu! Tshianana badi mua kujuka, kukuata tshiakabidi buloba bujima, kuasamu ne bimenga.

Yeshaya 14:5

Maweja-Nangila mmunyangakaje bumfumu bua bantu babi. Mmutshibule dikombu dia muena tshikisu.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 22:14

Kadi Maweja-Nangila muena bukole buonsu, uvua mungambile ne: “Ndi nditshipa, tshiena ndekela tshilema etshi, amu nuenu bamane kufua.” Maweja-Nangila, Mvidi Mukulu muena bukole buonsu udi ujadika nanku.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yeshaya 25:3

Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Yeshaya 25:5

nansha bu munya mukole wosha buloba bume bikole. — Wewe udi upuwisha bena diditambisha, utalaja mutoyi wabu. Bu mudi divuba dibuikila diba didi dikenka bikole, wewe udi upuwishangana ne bakengeshanganyi, diba divuabu batshimuna, bela tunkunduluila.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 29:20

Bualu bena tshikisu nebajimine. Bena kapeja bonsu nebumuke. Bonsu badi bakeba mua kukengesha bakuabu nebafue.

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

Yirmeya 48:29

Tuvua bumvue muvua bena Mowabe baditambisha, badisua bikole, bapepeja bantu bakuabu, baleja dikamakama, baditemba, baditeka ku mutu kua bantu bakuabu.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.