Yeshaya 11:9 - MUKANDA WA MYIDI MUKULU

⁹ Kabakuenzelangana kabidi bibi, nansha kunyangilangana bintu pa mukuna mujima wa tshijila wa Maweja-Nangila. Ditunga dijima nediuwule ne dimanya dia Maweja-Nangila, amu bu mudi mayi uwuja mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

Yeshaya 11:9 ပူးပေါင်းရင်းမြစ်များ

Yobe 5:23

Neumvuangane ne mabue adi mu budimi buebe. Nyama idi ipitshilamu neidie nebe bulunda!

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 78:54

Pashishe kubafikisha mu buloba buende bua tshijila, ku mukuna uvuaye munyenge ku bukole buende.

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Yeshaya 11:8

Muana wa pambidi neanayile ku buina bua nyoka. Nsongalume neele tshianza tshiende ku buina bua nyoka wa ntoka.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 30:26

Dituku dikale Maweja-Nangila muele buanga, pa mputa ya bantu bende, muondape mputa yabu ivuaye mubatape, ngondu neakenke bu diba. Bukenke bua diba nebupite bua matuku onsu, misangu muanda mutekete, bu bukenke bua lumingu lujima, bukenka dituku dimue.

Yeshaya 32:16

Miaba yonsu, mu mpata ne mu metu, bantu nebakumbaje tshidi Mvidi Mukulu musue. Mu ditunga dijima bantu nebanangangane, nebumvuangane ne muoyi umue.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yeshaya 35:9

Mu njila amu kamuena ntambue. Nyama wa lonji nansha umue kena upitshilamu. Kabena basanganamu nyama ayi. Momu ke muendelabu amu kudi bantu, badi Maweja-Nangila mupikule.

Yeshaya 45:6

Bantu ba ku luseke ludi diba dipatukila, ne ba ku luseke ludidi dibuelela, nebamanye ne: Kakuena Mvidi Mukulu mukuabu, amu Meme Maweja-Nangila. Kakuena mukuabu to.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yeshaya 56:7

nembabikidishe bua babande pa mukuna wanyi wa tshijila. Nembasankishe ne disanka dinene, mu nzubu wanyi wa kutendelela. Nenganyishe ne muoyi muimpe milambu mishilangane ikalabu bandambula pa tshilambuilu. Bualu nzubu wanyi, nebamuinyike ne: Muaba udi bantu ba mu matunga onsu batendelela.”

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 65:25

Nyama wa mubuabua ne kana ka mukoku nebidiile pamue. Nyama wa ntambue neadie bisosa bu ngombe. Nyoka bua kudiaye, neadie amu lupuishi. Maweja-Nangila udi wamba ne: Bantu kabakuenza kabidi bibi, nansha kukengesha muntu nabu pa mukuna wanyi wa tshijila to.

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Yirmeya 31:34

Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Yezekiyele 47:5

Musangu wa ndekelu kupimaye kabidi metre nkama itanu. Kadi tshivua mua kusabuka kabidi mayi to, bualu avua mapite kuwula. Avua mpindiewu ne muenji mukole, akengela kuowela bua kusabuka.

Danyele 11:45

Nease mitanda yende ya bukalenga pankatshi pa mayi manene ne mukuna wa tshijila wa mu ditunga dipite buimpe. Koku aku nkuafuilaye, kakuyi muntu udi mua kumuambuluisha.”

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Zekâya 14:9

Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.