Yeshaya 11:3 - MUKANDA WA MYIDI MUKULU

³ Disanka diende didi dia kunemeka Maweja-Nangila. Kena ukosa nsambu anu ku bidi bimueneka kudi bantu to. Kena ukosa tshilumbu ku biambamba bia bantu.

Mukanda wa Nzambi Dihungila Dikulukulu ne Dihungila Dihia-dihia 2003

³ Disanka diandi nedikale mu dinemeka diandi dia Yehowa. Kena ulumbulula bilumbu anu bua malu adi mesu andi amona, kena ubikosa anu bua malu adi matshu andi unvua;

Yeshaya 11:3 ပူးပေါင်းရင်းမြစ်များ

2 Samuele 14:17

Nanku, mukalenga, meme mvua ngela meji ne: “Diandamuna dia mukalenga neditusambe, bualu mukalenga, wewe udi bu mutumibue wa Mvidi Mukulu, udi mumanye mua kusunguluja bualu buimpe ne bubi.” Nanku Maweja-Nangila Mvidi Mukulu webe ikale nebe!

2 Samuele 14:8

Mukalenga Davide kuandamuna ne: — Pingana ku nzubu kuebe. Nenjikije tshilumbu tshiebe.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

Yobe 12:11

Bena kale bavua bela lusumuinu ne: “Ditshi mudimu wadi ngua kujingulula malu adi bantu bamba, bu mudi tshilakalaka tshijingulula buimpe bua biakudia.

Yobe 34:3

Mudimu wa ditshi, nkujingulula malu, bu mudi tshilakalaka tshijingulula buimpe bua biakudia.

Nsumuinu 2:5

Enza nanku, bua ulonge muudi mua kunemeka Maweja-Nangila, kumanya bumfumu budi Mvidi Mukulu nabu.

Nsumuinu 2:9

Paudi unteleja, nenjingulule muudi mua kuikala muntu muakane, wa nsongu, muudi mua kuenza bidi bimpe.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yezekiyele 45:8

Nanku, bakalenga nebapete muaba wabu mu Izrayele. Kabakukengesha kabidi bantu ba Maweja-Nangila to. Nebashile bisamba bia bena Izrayele bitupa bikuabu bia mu ditunga.”

Mika 4:3

Yeye nealumbuluishe bisamba bia bantu ba bungi. Neakose bilumbu bia bisamba binene, nansha bidi kule mene. Miele yabu ya mvita, nebayifule nkasu ya kudima nayi. Mafuma abu, nebaafule miele ya kusolela nayi matamba a mionji ya mvinyo. Tshisamba katshiena tshiluisha kabidi tshikuabu. Bantu kabena balonga kabidi mua kuluangana mvita.

Luke 2:52

Yezu uvua utantamana, ukola ne meji. Uvua ulengelela Mvidi Mukulu, ulengelela kabidi ne bantu.

Yowanane 2:25

Kasua ukengela bua bamujinguluile malu a bantu. Bualu Yeye nkayende usua mumanye malu adi munda muabu.

Yowanane 7:24

Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.

Ebrewu 5:14

Kadi biakudia bikole mbifundile bantu bakole. Bobu bakadi bibidile kujingulula bidi bimpe ne bidi bibi mu malu amonamonabu.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”