Yeshaya 11:16 - MUKANDA WA MYIDI MUKULU

¹⁶ Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nshila munene mufume ku buloba bua Ashû neikaleku bua difuka dia bantu bandi diendelemu, bu muakadiku tshikuabo bua Bena Isalele bendelemu mu dituku diakahatukabo mu buloba bua Ejipitu.

Yeshaya 11:16 ပူးပေါင်းရင်းမြစ်များ

Ekesode 14:22

Mayi awu, kupanduluka bu tshimana ku dia balume, tshikuabu ku dia bakaji. Bena Izrayele kusabuka ku makasa kume.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 19:23

Dituku adi, njila neumuke ku ditunga dia Ejipitu, uya ku ditunga dia bena Ashure. Bena Ashure nebaye mu Ejipitu; bena Ejipitu nebaye mu Ashure. Bonsu pamue nebatendelele Maweja-Nangila.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 49:11

Nengandamune mikuna mitumbuke, ishale njila ya kupitshila ku makasa. Nendongolole njila.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 57:14

Maweja-Nangila udi wamba ne: “Longololayi njila, koleshayi, pandayi njila, umbushayi mu njila bintu bionsu bidi ne njiwu, bantu banyi benda kamuyi lutatu.”

Yeshaya 62:10

Bena Yerushalayime, patukayi, patukayi lukasa mu tshimenga. Longoluelayi bantu badi bapingana muabu njila. Jibikilayi biina bidi panshi mu misesu. Umbushayi mabue adimu. Bandishayi dibendele, bua bantu bamanye

Sefanya 2:7

Bena Yuda badi bashale ne muoyi, nebakuate ditunga dienu. Nebadishilemu bisumbu bia nyama yabu. Butuku nebaye kulala mu nzubu ya mu Askalone. Maweja-Nangila Mvidi Mukulu wabu neabenzele bimpe, neakudimune dikenga diabu, dienza disanka.