Yeshaya 10:34 - MUKANDA WA MYIDI MUKULU

³⁴ Badi basola muitu mitshi yonsu ne tshisuyi, mitshi ya sedre mile ya mu Lebanone idi panshi.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yeye neatahe bihuka ne tshisui tshia tshiamu tshifike, ne Lebanona neahone ku mikumu ya Nzambi Mukole.

Yeshaya 10:34 ပူးပေါင်းရင်းမြစ်များ

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Yeshaya 10:18

Neavingutule ditu dijima, ne mitshi ya bimuma yonsu. Ne bikale bu muntu munyane ne disama.

Yeshaya 2:13

Dituku adi, neashimbule mitshi ya sedre yonsu ya mu Lebanone, idi milepa mipite mikuabu ku bule. Neakose mitshi ya nsanga ya mu Bashane.

Yeshaya 31:8

Muena Ashure neafue ku muele wa mvita, udi kauyi muenze kudi bantu. Muele wa mvita udi kauyi wa bantu, neumubutule. Bena Ashure nebanyeme muele wa mvita udi kauyi wa bantu. Bilobu bia mvita biabu, nebaye nabi mu bupika.

Yeshaya 33:9

Ditunga didi mu madilu, diume, dilakata. Mikuna ya Lebanone idi ifubidila ne bundu. Mpata wa Sarone ukadi tshipela. Mu Bashane ne pa mukuna wa Karmele, mitshi idi idinyuka, mabeji apopoka panshi.

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yirmeya 22:7

Ndi kutumina bantu ne tshisuyi. Nebupule makunji ebe mimpe a mitshi ya sedre. nebaoshe mu kapia.

Yirmeya 48:2

Butumbi bua Mowabe buajiki. Mbelele tshimenga tshia Eshebone tshifufu tshibi bamba ne: “Tuyayi kubutula tshimenga etshi. Katshikadi kabidi ne muaba munkatshi mua bisamba bikuabu!” Wewe kabidi tshimenga tshia Madmene neubutuke. Bena mvita nebafike bua kukuluisha.

Yezekiyele 31:3

Udi mufuanangane ne mutshi wa sedre wa mu Lebanone, udi matamba manene mimpe, adi afila dileji dia bungi. Udi mutshi wa sedre mupite kutumbuka, lusongu luawu lufika ne mu mavuba.

Danyele 4:23

Pashishe mukenji wa kushiya tshikuku tshia mutshi ne miji yatshi, udi utumanyisha ne: Nebakupingajile bukalenga buebe, pawamanya ne: Mvidi Mukulu wa mu diulu ke udi Mfumu.

Nahume 1:12

Maweja-Nangila udi wambila bena Yuda ne: “Baluishi benu, nansha bikale ba bungi, bikale bilobu, nebabutuke, kakuyi kushala muntu. Mvua munukengeshe bikole, kadi tshiakunukengesha kabidi.

2 Tesalonike 1:7

Nuenu badi bakenga mpindiewu, Mvidi Mukulu neanupe bupole pamue netu. Ebi nebienzeke, patuluka Yezu mu diulu ne batumibue bende ba bukole, bantu bamumona.

2 Petro 2:11

Batumibue ba Mvidi Mukulu mene, nansha mudibu bapite balongeshi ba dishima aba ku bukole ne ku bumfumu, kabena basonguela bifukibue bia lumu abi kudi Mfumu, kabena nansha babipenda.

Didimanyisha 10:1

Ke meme kumona mutumibue mukuabu wa bukole utuluka mu diulu. Divuba divua dimubuikile, muanzankongolu mumunyungulukile ku mutu. Mpala wende uvua bu diba, mikolu yende bu makunji a kapia.

Didimanyisha 18:21

Nenku mutumibue wa dikanda kuambula dibue dia bujitu, bu didibu bapela nadi. Kudielaye mu mayi manene, wamba ne: “Ke muelabu tshimenga tshinene tshia Babilone panshi ne bukole buonsu. Kabakutshimona kabidi kashidi kashidi.