Yeshaya 10:32 - MUKANDA WA MYIDI MUKULU

³² Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

³² Dituku edi mene neatule ku Nobo, neavunge mbala ku mukuna wa muana mukashi wa Siona, mukuna wa Yelushalema mene.

Yeshaya 10:32 ပူးပေါင်းရင်းမြစ်များ

2 Kulondolola 32:1

Izkiya mumane kuleja nanku mudiye muitabe Mvidi Mukulu, Senakeribe, mukalenga wa bena Ashure, kubuela ne mvita mu ditunga dia bena Yuda. Kuelaye bimenga bivuabu bakolesha ne bimana munkatshi bua kubikuata.

2 Kulondolola 32:2

Izkiya umona ne: Senakeribe udi usemena pabuipi ne Yerushalayime bua kutuluisha,

Nehemya 11:32

mu Anatote, Nobe, Ananiya,

Yeshaya 1:8

Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Yeshaya 10:24

Nanku umvuayi tshidi Maweja-Nangila Mvidi Mukulu wa bukole buonsu wamba: “Bantu banyi, nuenu badi basomba mu Siyone, lekelayi kutshina bena Ashure, badi banutuuta ne mitshi, banuambuila tshibonge, muvua bena Ejipitu banuenzela bangabanga.

Yeshaya 10:31

Bena mu Mademena badi banyema. Badi basomba mu Ngebime mbaye kusokoma.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yeshaya 13:2

Maweja-Nangila udi wamba ne: “Asayi dibendele pa mukuna, padi kapayi mitshi. Elayi kabobu ka mvita. Bikilayi bena mvita ne tshianza, bua babuelele ku biibi bia bantu badi badifila ku budisuile buabu.

Yeshaya 16:1

“Bena Mowabe, tuminayi mukalenga wa ditunga dia Yuda mulambu wa mukoku wa tshimpanga. Numuke nawu ku Sela mu tshipela, nuye too ne ku mukuna wa Siyone.”

Yeshaya 19:16

Dituku dikuabu, bena Ejipitu nebazakale bu tukajikaji. Nebikale ne bowa, padibu bamona Maweja-Nangila wa bukole buonsu, olola tshianza bua kubanyoka.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yeshaya 8:8

Mayi a musulu awu, neabuele miaba yonsu mu ditunga dia bena Yuda. Neakuate bantu too ne mu nshingu. Misapa yawu neitangalake, ibuikile ditunga diebe dijima, Emanuwele.

Yirmeya 6:23

Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Mika 1:9

Mituutu idibu batuuta Samariya, idi imubutula kashidi. Baluishi mbabuele ne mu ditunga dia Yuda, mbafike ku biibi bia Yerushalayime, kudi bantu banyi basombe.

Zekâya 2:9

Nenku, Maweja-Nangila udi wamba ne: “Meme mene nengikale mu tshimenga etshi, bu tshimana tshia kapia tshidi tshitshinyungulukila. Nensombemu ne butumbi buanyi buonsu.”

1 Samuele 21:1

Pashishe Davide kutungunuka ne luendu. Yonatane kupingana mu tshimenga.

1 Samuele 21:2

Davide kuya ku Nobe, kumutuangaji Akimeleke. Akimeleke kuya kumuakidila ne bowa, umukonka ne: — Davide, muudi mufike apa anu nkayebe, kuyi ne muntu mukuabu, mbishi?

1 Samuele 22:19

Kadi mu tshimenga tshia Nobe tshia batuangaji abu, Shawule kushipesha kabidi bantu bakuabu bonsu: balume, bakaji, bana ne bana ba pambidi, too ne bimuna: ngombe, mpunde, mikoku ne mbuji.

1 Samuele 22:9

Doweje, muena Edome, uvua munkatshi mua bena mudimu ba Shawule, kumuambilaye ne: — Dituku dikuabu, mvua mumone muana wa Ishayi, ufika ku Nobe kudi mutuangaji Akimeleke, muana wa Akitube.